影片
更多
2024-08-20
230 瀏覽
10/8/2024📍回春呢間cafe嘅名聽落好養生 好寫意😂雖然野食選擇唔多 但部份菜式都幾健康 亦有素食嘅option 入面裝修好簡約 行小清新路線🌿座位唔算多 最好都係係Openrice 訂位先⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨松茸味噌三文魚春之定食（$148）見到呢啲有幾個碟仔嘅餐又係忍唔住會嗌😄主角三文魚煎得幾滑 外皮有少少脆 但食唔出味噌味 都係普通嘅鹽味菇飯幾香但冇乜調味 略嫌有啲太濕 配菜好普通 紫薯、泡芙都係現成野 翠肉瓜同炒菇都冇味仲好油 豆腐同水果就正正常常😉成個定食都冇咩特別 無咩記憶點✨輕芝士圈圈山楂肉醬意粉（$78）肉醬分量好多 食到最後都有剩 酸甜比例幾啱我哋口味🤓意粉軟硬適中 唔會好易夾斷 幾欣賞佢嘅創意 加山楂落去又幾夾 又係酸酸甜甜咁 雖然食落唔膩 但食到底都見到有唔少油 想減肥嘅人千祈唔好嗌啊🤪✨生可可藍莓低卡蕉蕉燕麥奶昔（$38）原價係$58 跟餐就平啲 可以揀甜度 我哋揀咗少甜 覺得啱啱好朱古力味幾濃 增加左個口感🍫同香蕉味好夾 唔係好飲得出藍莓味 口感好順滑👍🏻✨核桃蘋果香蕉燕麥奶昔（$38）相比之下 呢杯就冇咁好飲 口感都係厚身但就冇咁
📍回春
呢間cafe嘅名聽落好養生 好寫意😂
雖然野食選擇唔多 但部份菜式都幾健康 亦有素食嘅option
入面裝修好簡約 行小清新路線🌿
座位唔算多 最好都係係Openrice 訂位先
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨松茸味噌三文魚春之定食（$148）
見到呢啲有幾個碟仔嘅餐又係忍唔住會嗌😄
主角三文魚煎得幾滑 外皮有少少脆 但食唔出味噌味 都係普通嘅鹽味
菇飯幾香但冇乜調味 略嫌有啲太濕
配菜好普通 紫薯、泡芙都係現成野
翠肉瓜同炒菇都冇味仲好油 豆腐同水果就正正常常😉成個定食都冇咩特別 無咩記憶點
✨輕芝士圈圈山楂肉醬意粉（$78）
肉醬分量好多 食到最後都有剩 酸甜比例幾啱我哋口味🤓
意粉軟硬適中 唔會好易夾斷
幾欣賞佢嘅創意 加山楂落去又幾夾 又係酸酸甜甜咁 雖然食落唔膩 但食到底都見到有唔少油 想減肥嘅人千祈唔好嗌啊🤪
✨生可可藍莓低卡蕉蕉燕麥奶昔（$38）
原價係$58 跟餐就平啲
可以揀甜度 我哋揀咗少甜 覺得啱啱好
朱古力味幾濃 增加左個口感🍫同香蕉味好夾 唔係好飲得出藍莓味 口感好順滑👍🏻
✨核桃蘋果香蕉燕麥奶昔（$38）
相比之下 呢杯就冇咁好飲 口感都係厚身但就冇咁順滑 因為加左核桃 顆粒感重啲 飲落有少少吉喉嚨 只係飲到香蕉味🍌味道單調啲 呢杯冇標明冇添加糖 更加健康！
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最後埋單～$300 （唔收加一）
定價合理 除咗定食啲配菜差啲之外 其餘都幾好
🙍🏼♀️私心推薦個肉醬意粉 一定唔會失望😆
推薦指數🌟：3.5/5
📍 荔枝角福榮街538號喜遇地下1號舖
張貼
