影片
更多
2024-05-07
160 瀏覽
第一次來呢間食晚飯，比想像中算多人，因為依家太多北上消費啦，當然都係坐唔滿嘅，7成多啲啦。 我自己1個來攞位先，原本經理安排係柱位，比窄啲，不過我哋人少少都無咩所謂，未齊人又未上茶之前，有個部長就自己幫我哋輕咗去張闊落少少嘅枱，坐都坐得舒服啲，幾好。 時間係上星期日，未到母親節就已經指定咗母親節餐牌，只可以點上面啲餸，1年1次算啦。好啦講下啲嘢食先，我哋點咗4個餸。 脆皮燒雞皇雞皮鬆脆，雞肉唔會柴，有個汁點下，其實可以唔點都好够味，不過個汁就幸好唔太咸，所以點咗都唔會太重口味。 紅燒乳鴿好大隻，唔似乳鴿size，不過唔會老，鴿肉都算嫩滑，骨香肉滑。呢排食幾間唔同店鋪嘅乳鴿都唔錯，唔通來貨一致？ 海皇雜菜煲呢煲唔嘢少，成晚嘅餸都炸炸炸，全靠佢中和下。好足料，蝦仁／魷魚／爽脆蚌（唔知名）／菜芯／西蘭花／白菜仔。個湯好濃郁，湯色好奶白，又有啲金色嘅色澤，我諗應該有咸旦黃炒過，我飲咗兩碗。 椒鹽魷魚須魷魚須好粗下，唔會營養不良咁，炸的啱啱好，表面脆，內裏就啱啱好，仲好够水份，唔會乾老，魷魚過老會韌㗎，呢個完全唔會。 加埋茶介加一，3位埋單$631
我自己1個來攞位先，原本經理安排係柱位，比窄啲，不過我哋人少少都無咩所謂，未齊人又未上茶之前，有個部長就自己幫我哋輕咗去張闊落少少嘅枱，坐都坐得舒服啲，幾好。
時間係上星期日，未到母親節就已經指定咗母親節餐牌，只可以點上面啲餸，1年1次算啦。好啦講下啲嘢食先，我哋點咗4個餸。
脆皮燒雞皇
雞皮鬆脆，雞肉唔會柴，有個汁點下，其實可以唔點都好够味，不過個汁就幸好唔太咸，所以點咗都唔會太重口味。
紅燒乳鴿
好大隻，唔似乳鴿size，不過唔會老，鴿肉都算嫩滑，骨香肉滑。呢排食幾間唔同店鋪嘅乳鴿都唔錯，唔通來貨一致？
海皇雜菜煲
呢煲唔嘢少，成晚嘅餸都炸炸炸，全靠佢中和下。好足料，蝦仁／魷魚／爽脆蚌（唔知名）／菜芯／西蘭花／白菜仔。個湯好濃郁，湯色好奶白，又有啲金色嘅色澤，我諗應該有咸旦黃炒過，我飲咗兩碗。
椒鹽魷魚須
魷魚須好粗下，唔會營養不良咁，炸的啱啱好，表面脆，內裏就啱啱好，仲好够水份，唔會乾老，魷魚過老會韌㗎，呢個完全唔會。
加埋茶介加一，3位埋單$631
張貼
