深宵食堂

營業中

休息中

喺旺角行街順便食埋野先走，網上見到呢間小店評論唔錯，雖然未到深宵都決定揀佢。餐廳喺銀座食商業大廈入邊，裝修風格好似日式居酒屋，周圍擺滿好多日本嘅漫畫、圖畫、人形公仔等，令人更覺更似喺日本。食品嘅選擇都係小食為主，燒物、炸物、前菜、一品料理、主食等，$30/起，選擇都幾多元化。大阪燒係半份，味道正宗。鵝肝什菌石鍋飯，細細碗，但其實一個人食都夠，有一整塊鵝肝，鵝肝唔算太肥，撈埋飯一齊食更加好。蒜片一口牛的牛肉都算高級，好淋有牛味有咬口，將啲醬汁加喺飯食亦都係一個好嘅配搭。吉列蠔係我最鍾意食嘅日本小食之一，水準之作。芝士年糕、蟹肉餅及牛舌亦有水準。喺居酒屋食嘢當然唔少得叫杯啤酒，下吓火，幾開胃。佢哋好細心，埋單嘅時候仲送咗個口罩。