老鍋台式火鍋 (金馬倫道) (已結業)

天氣咁熱，真係好適合喺室內嘆住冷氣打邊爐，今日去咗尖沙咀行街買野，行到攰就搵咗呢一間餐廳打邊爐。首先叫咗一個老窩秘製麻辣湯底先，入面已經有鴨血同埋凍豆腐，可以唔洗另外叫住先🤩，兩樣都係最愛食既野。然後叫咗個特級美國安格斯雪花肥牛，呢個份量兩個人食岩岩好，賣相靚，打邊爐好食，肥瘦適中，一卷入面有兩塊，兩個人食每次落一卷就可以。千張豆葉紙薄薄地一塊一塊咁，一放落鍋就已經可以夾番佢上嚟食。好滑好好味😋揀咗一款叫冰菜，唔係間間打邊爐都會有既蔬菜，好新鮮，好有益👍🏿，打個邪惡嘅邊爐就應該再食番呢d健康食品中和下。再揀咗個老鍋台灣麵，可以冷食又可以放入鍋熱食，又夠大碟，食厭左烏冬同公仔麵既可以試下。都值得推薦既👍🏽👍🏽👍🏽