高流灣海鮮火鍋 (已搬遷) 新店位置

何太生日~何生提議去朋友熱烈推介的高流灣! 蕃茄牛腩湯底 - 起初實在太稀啦, 感覺好水, 要煲一陣先走出啲味嚟!本地手切肥牛 - 可以, 但總覺得不及火鍋館。魚皮餃 - 好多油呀! 太肥膩啦! 咬一口, 啲油都狂流出嚟!聖子 - 好新鮮, 好甜, 呢樣就比火鍋館出色啦! 真係好好味!大蝦刺身 - 可能呢度啲蝦細隻啲啲, 又平啲啲, 所以真係無火鍋館咁正, 但老公話一分錢一分貨,算係咁啦! 芋絲 - 無乜特別! 普通超市貨!自制四寶丸 - 墨魚丸係最正的, 真係好好食, 夠彈牙! 其次是蝦丸, 明顯係自家打的! 豬肉丸及鯪魚丸都可以! 老公都讚啲丸出色!(唔記得咩魚刺身,好似係"立"魚) - 切得唔夠薄, 又唔夠凍, 好一般!老公話啲waiter唔夠醒目, 見我地啲啤飲晒都唔問: 使唔使嚟多枝呢?未必會再去, 都係鍾情火鍋館啲牛肉, 話晒幫襯咗就快五年啦!