神廚館 (已搬遷) 新店位置

為食的我, 知道大個咀有間神廚館的物體以高票當選, 又唔係貴, 就一定要試。星期六的下午, 小小的店舖, 多人多到無位, 要坐出外面食塵。(其間都有唔少人買外賣)點了No. 1的鎮店之寶- 紫菜墨魚餅煎蛋飯& 胡椒魚湯煎蛋好多油, 其實成碟飯都好油, 墨魚餅外脆內軟, 係成餐飯的主角, 內有紅蘿蔔粒, 食到有墨魚粒, 堅料, 夠咸唔駛鼓油。煎蛋麼…咪煎蛋囉, 無特別, 油D囉…紫菜呢…少少地…釣下味咁啦…白飯就…硬少少…我鍾意食軟飯多D墨魚餅下的椰菜, 白灼的, 過了火, 凍的, 無味, 好過無胡椒魚湯, 胡椒味濃, 係因為魚湯唔濃, 唔係好覺有魚味, 全盛時期的荃灣魚米線的魚湯一定堅好多, 而家就兩個都一樣…流。食完好熱, 汗水流流, 敬告各位一定要入去坐, 坐出面就會係咁。整體而言, 墨魚餅係唔錯, 但無話好似江湖上流傳到咁誇張。下次我會問佢可唔可以淨食墨魚餅, 但都會試下其他菜式的。