影片
更多
2024-01-22
245 瀏覽
見優惠訂購平台有快閃優惠，買一送一，兩個人698就book左星期日晚試。1. Omakese普通話mk師傅x2早左少少差唔多八點到見到舖入面得一對大陸情侶，一開始以為未夠鐘其他客人未到，點知食到最後都只係得我地四個水魚。一入舖頭，見到兩個mk’師傅’，仲講唔正既廣東話，聽聽下講埋普通話。2. 好難食前菜+刺身前菜係唔知乜凍冰冰嘅魚卵，腥到。食左一啖放埋一邊，店員阿姐仲問係咪唔岩食x1。我直接話好腥食唔到。刺身6品，酸既生蠔、黑色燶左既白子、池魚（全餐唯一一樣覺得稍微好食既野)、油甘魚又係腥。究竟啲魚係放左幾耐，點解可以腥到咁。。。鮟鱇魚乾(應該算正常，只係唔岩口味)，個店員阿姐仲問係咪唔岩食x2。仲有縮到差啲見唔到嘅八爪魚。3. 侍應阿姐無影手係伸手收碟終於食完刺身，到揚物，菜天婦羅，苦到仲同我講叫我點隔離啲菠菜汁食。。。炸鮑魚可以完全無味，完全唔知食左乜。期間無論係刺身定係揚物，侍應阿姐不停喺我哋兩個中間伸手入黎收碟，趕收工呢，我地就不停讓佢俾佢收。4. 蔥油味池魚食過未壽司先係主角。魷魚上面放啲紫菜，呢個組合真係見都未見過，一山還有一山高，下一味係蔥油味嘅池魚，佢真係咁介紹，呢個時
見優惠訂購平台有快閃優惠，買一送一，兩個人698就book左星期日晚試。
1. Omakese普通話mk師傅x2
早左少少差唔多八點到見到舖入面得一對大陸情侶，一開始以為未夠鐘其他客人未到，點知食到最後都只係得我地四個水魚。一入舖頭，見到兩個mk’師傅’，仲講唔正既廣東話，聽聽下講埋普通話。
2. 好難食前菜+刺身
前菜係唔知乜凍冰冰嘅魚卵，腥到。食左一啖放埋一邊，店員阿姐仲問係咪唔岩食x1。我直接話好腥食唔到。刺身6品，酸既生蠔、黑色燶左既白子、池魚（全餐唯一一樣覺得稍微好食既野)、油甘魚又係腥。究竟啲魚係放左幾耐，點解可以腥到咁。。。鮟鱇魚乾(應該算正常，只係唔岩口味)，個店員阿姐仲問係咪唔岩食x2。仲有縮到差啲見唔到嘅八爪魚。
3. 侍應阿姐無影手係伸手收碟
終於食完刺身，到揚物，菜天婦羅，苦到仲同我講叫我點隔離啲菠菜汁食。。。炸鮑魚可以完全無味，完全唔知食左乜。期間無論係刺身定係揚物，侍應阿姐不停喺我哋兩個中間伸手入黎收碟，趕收工呢，我地就不停讓佢俾佢收。
4. 蔥油味池魚食過未
壽司先係主角。魷魚上面放啲紫菜，呢個組合真係見都未見過，一山還有一山高，下一味係蔥油味嘅池魚，佢真係咁介紹，呢個時候已經呆左咁望住個師傅，佢仲覺得冇問題咁。食蔥油味唔洗黎食omakase啦，我去街市咩。最好笑既係，跟住佢俾左舊燒吞拿魚面珠墩，真係黑晒面，400蚊連一件正常既魚腩都食唔到？？面珠墩？？認真？？見到件海膽以為有希望少少，又係腥到gg，仲好意思介紹話係北海道海膽，你食黎睇下。仲有一舊係柚子味嘅魚，完全冇介紹係咩魚，就係有柚子味，完。呢個最好，因為淨係食到柚子味，勁。
食到呢個位已經忍唔住望下餐牌仲有幾多樣嘢未黎，準備走。連麵豉湯都可以咁難飲，真係唔知點樣可以做到。隔離個對大陸情侶可唔可以即刻上埋甜品，見到佢哋個樣都黑晒面，嗱嗱臨食完嗱嗱臨走，多1秒都係浪費人生，即刻問佢可唔可以上甜品，我錯，應該連甜品都唔食，直接走。補充番，由一開始食到食完全程兩個師傅都不停同個疑似係經理既人傾計，傾到講晒粗口，唔知以為我去左地盤食飯。
收正價服務費？服務？
如果你未食過垃圾強烈推薦去試下。最後仲要收正價嘅+1服務費。兩個人盛為$140。侍應阿姐真係好服務啊，喪收碟，仲問左我兩次係咪唔岩食，都好明顯啦，$140抵比。真係智商稅。
張貼