影片
更多
2013-01-16
2362 瀏覽
晚上去藍地本身係想食果間好出名既扒房餐廳!!點諗到星期二晚上六點50分就滿哂...仲要出面呆等15分鐘先通知冇位叫我地唔洗等...服務真係唔係好得咁同女朋友好失望咁離開藍地大街時候...發現有間放題既日本餐廳 門口睇入去好似冇乜客...心諗 黎到藍地唔通乜都唔食咩...死就死啦....入到去間餐廳話兩位....老闆娘話請入去入面....我心諗...再入去就廁所邊有位坐點知入到去... 入面地方好大...有露天可以食煙既坐位亦都有間大屋仔 ... 好似世外桃源咁.... 而且裝備仲唔差...剩係環境已經比滿分....後面仲有個藍地停車場 可渣車入黎食都得坐底唔夠兩分鐘...待應黎到話128蚊位加一兩小時任食任飲...叫先落湯底先...我地就叫左地獄湯!唔洗5分鐘湯底已經到,...試試味先...幾好味~ 味精湯係好味D!到選擇食物時候...先發現刺身同生蠔另外收錢比較有驚喜係呢個價錢居然有雞子,拉麵同日本烏冬當然收錢果D唔叫住啦...睇下呢間野食物質素係點點完野就比待應...待應拎住部PDA 左篤右篤就搞掂然後就擦左D筆跡重新再用過,幾環保!!之後出去拎野飲...有4款選擇 百士可樂,橙汁
點諗到星期二晚上六點50分就滿哂...
仲要出面呆等15分鐘先通知冇位叫我地唔洗等...服務真係唔係好得
咁同女朋友好失望咁離開藍地大街時候...
發現有間放題既日本餐廳 門口睇入去好似冇乜客...
心諗 黎到藍地唔通乜都唔食咩...
死就死啦....入到去間餐廳話兩位....
老闆娘話請入去入面....我心諗...再入去就廁所邊有位坐
點知入到去... 入面地方好大...有露天可以食煙既坐位
亦都有間大屋仔 ... 好似世外桃源咁....
而且裝備仲唔差...剩係環境已經比滿分....
後面仲有個藍地停車場 可渣車入黎食都得
坐底唔夠兩分鐘...待應黎到話128蚊位加一
兩小時任食任飲...叫先落湯底先...我地就叫左地獄湯!
唔洗5分鐘湯底已經到,...試試味先...
幾好味~ 味精湯係好味D!到選擇食物時候...先發現刺身同生蠔另外收錢
比較有驚喜係呢個價錢居然有雞子,拉麵同日本烏冬
當然收錢果D唔叫住啦...睇下呢間野食物質素係點點完野就比待應...待應拎住部PDA 左篤右篤就搞掂
然後就擦左D筆跡重新再用過,幾環保!!
之後出去拎野飲...有4款選擇 百士可樂,橙汁,提士汁同藍冰啤酒
小弟當然唔客氣拎左幾罐汽水返去啦!!返到去待應放低碟刺身...
我話冇叫到...待應話送既 唔洗錢
OK...咁我就試下咩料....
首先就係三文魚...大塊 鮮味!!
之後生蝦...好甜好多水...真係超好食....
好難想像到呢碟野真係送...真係好好食!!
如果呢碟野要收錢...我都會叫...因為生蝦真係出奇地好食!!食完之後 待應就將刺身碟收起
然後把成隻船放底...船上面放滿哂各樣既火鍋料
設計好好,又靚!!
不過就算幾靚都好...好唔好食先係最主要!其實D野食係幾好....
當中最好食既係烏冬 同埋拉麵!!
我女朋友就狂食雞子....
食完之後 仲有少少胃口
叫左幾件壽司食....我諗全場最差既就係D壽司米...比較硬
食完之後再行下餐廳出去食支煙
發現裝修得真係唔錯
總括來說...食物質素中上,呢個價錢 我覺得係超值!!我覺得可以推薦各位試下!!
題外話/補充資料：
餐廳星期一休息
星期六日及公眾假期 費用為148加一
(以上食評乃用戶個人意見 , 並不代表OpenRice之觀點。)
張貼
