影片
更多
2021-05-13
2836 瀏覽
如果講起香港嘅雞白湯拉麵，大家會諗起邊間？座銀？可能有人會嫌佢貴。鳥華底？可能有人嫌佢雞油太重。今次介紹依間雞白湯拉麵，價錢平民而且唔收加一服務費，近排係拉麵關注組備受注目，原因係因為舖頭嘅麵條、湯底同醬汁都係自家製作，而且因為出品好令到餐廳人氣十足，晏晝去一定會見到人龍，最高峰個日甚至買到120碗拉麵，試過晏晝兩點就賣晒湯底要提早收鋪。呢間泓一拉麵2015年係大圍開業，店主第一份工就係拉麵鋪工作，入行之後越做越鍾意，經日本師傅教導三年之後，決定自立門戶，不過係四年之後因為業主加租，而家搬咗去紅磡。泓一拉麵一開始這一間普通拉麵鋪，老細話最初只係買大路既拉麵，好似豬骨湯底，而麵底就係本地日本人拉麵廠攞貨。不過依家香港拉麵店競爭已經白熱化，咁多間過江龍黎到香港，所以冇特色嘅泓一生意麻麻，店主於是重拾當年入行嘅熱血，不斷鑽研同唔同師傅交流去提升品質，於是由零開始，投資十萬喺日本購入製麵機，最終有自家製嘅麵條，亦都成為呢間拉麵鋪賣點，因為店主覺得如果麵唔得，會影響整體嘅味道。所以而家嘅麵分別有兩種麵，一種係粗身、好似尾指咁闊嘅沾麵，另一種好似即食麵咁幼、用來做湯麵嘅拉麵，每日新鮮製作，會視乎天
如果講起香港嘅雞白湯拉麵，大家會諗起邊間？座銀？可能有人會嫌佢貴。鳥華底？可能有人嫌佢雞油太重。今次介紹依間雞白湯拉麵，價錢平民而且唔收加一服務費，近排係拉麵關注組備受注目，原因係因為舖頭嘅麵條、湯底同醬汁都係自家製作，而且因為出品好令到餐廳人氣十足，晏晝去一定會見到人龍，最高峰個日甚至買到120碗拉麵，試過晏晝兩點就賣晒湯底要提早收鋪。
呢間泓一拉麵2015年係大圍開業，店主第一份工就係拉麵鋪工作，入行之後越做越鍾意，經日本師傅教導三年之後，決定自立門戶，不過係四年之後因為業主加租，而家搬咗去紅磡。泓一拉麵一開始這一間普通拉麵鋪，老細話最初只係買大路既拉麵，好似豬骨湯底，而麵底就係本地日本人拉麵廠攞貨。不過依家香港拉麵店競爭已經白熱化，咁多間過江龍黎到香港，所以冇特色嘅泓一生意麻麻，店主於是重拾當年入行嘅熱血，不斷鑽研同唔同師傅交流去提升品質，於是由零開始，投資十萬喺日本購入製麵機，最終有自家製嘅麵條，亦都成為呢間拉麵鋪賣點，因為店主覺得如果麵唔得，會影響整體嘅味道。
所以而家嘅麵分別有兩種麵，一種係粗身、好似尾指咁闊嘅沾麵，另一種好似即食麵咁幼、用來做湯麵嘅拉麵，每日新鮮製作，會視乎天氣去調整水量，將麵粉、蛋白、水同鹼混合搓成糰之後，放入機器壓麵三次，再發酵半個鐘，令到拉麵更加爽滑有韌性。拉麵用左三種麵粉，包括高筋、中筋同全麥麵粉，因為全麥麵粉營養高啲，連稻殼一齊磨出嚟，所以會見到麵有一啲一粒粒黑點，香港比較少見。
唔止麵係自家製造，湯底都放棄咗常見嘅豬骨濃湯，改為主打雞白湯同清湯，亦都有提供特製醬油湯底嘅拉麵。間中會有啲限定拉麵，好似龍蝦拉麵、濃厚湯煮雞白湯干拉麵、牡蠣沾麵、特製豚骨墨魚汁黑蒜拉麵等等。
以前呢間拉麵收六點，可能因為疫情期間，再加上餐廳因為係拉麵關注組爆紅，所以改咗營業時間，呢家餐廳由12點營業到下午4點，落場之後就由夜晚6點營業到9點。
當日係星期五紅日放假去食，大概下晝一點五到餐廳，條人龍大概有十五個人，但餐廳其實得五至六個位，真係一間小店，最後三點先坐到入去食。
望下餐牌，店舖淨係提供五款拉麵，除咗招牌雞白湯，仲有醬油湯底同鹽味湯底。而沾麵有提供三款，分別係雞白湯、海老同魚介湯底，拉麵會定期因應唔同季節轉換期間限定嘅菜式。除咗拉麵仲有提供餃子，拉麵本身都可以加錢配餃子一客，要食拉麵或者沾麵都可以加錢加配料、加麵底或者加飲品。
-
🍜 雞白湯拉麵 💰88（👅: 9.5/10）
辣肉 +💰15（👅: 8/10）
拉麵替玉 +💰15
雞白湯拉麵
$88
37 瀏覽
2 讚好
0 留言
未食已經聞到好香雞湯香，湯底係乳白色，店舖既雞濃湯係加入雞腳、雞殼、全雞同蔬菜熬足八個鐘，再將雞肉濃湯打成泡，做法同座銀、金鶴非常相似，唔同嘅係座銀、金鶴係用日本空運過嚟嘅湯包再打成泡，而呢間拉麵鋪係連雞湯底都係自己製造，雞白湯睇落細滑如脂，飲落非常濃厚綿密，而且好creamy，雞味濃郁，入口鮮香，好似飲緊忌廉雞湯，但唔會過鹹，鹹度剛好，雖然碗湯嘅雞味唔及鳥華亭，但雞湯飲落好順喉，成個雞湯飲晒都唔會覺得口渴，但因為太好飲，如果有剩我會想加個麵底一齊食。
雞白湯拉麵
$88
104 瀏覽
1 讚好
0 留言
而麵條係佢哋自製嘅小麥麵條，好明顯見到麵條上有小麥粒，係因為用全麥麵粉時，連稻殼一齊磨出嚟既麥粒，麵條係細麵但偏曲身，同傳統九州細麵有小小分別，食落非常煙韌且帶有彈性，偏硬身，係我鍾意嘅硬度，而且帶小小麥香味，食得出係真材實料嘅麵條，不過略嫌唔算好爽口，有少少黏口。而麵條同湯好配合，麵條唔算吸湯，所以配合呢個濃湯岩岩好。
溏心蛋
33 瀏覽
1 讚好
0 留言
溏心蛋生熟程度岩岩好，夠流心，而且會食到淡淡的醬油味，係有驚喜嘅溏心蛋。
雞肉
23 瀏覽
1 讚好
0 留言
慢煮叉燒有一塊豚肉一塊雞肉，叉燒偏細塊，豚肉叉燒呈粉紅色，幾薄身，係經過真空低溫烹調方式慢煮，食落嫩滑，入口鮮嫩，好似食風乾嘅火腿，但又冇火腿咁鹹，食落有脂肪，而且有少少入口即溶嘅感覺。而白色嘅雞肉係用香草慢煮，食落嫩滑唔粗糙。
筍食落幾爽口而且無渣，幾鮮甜。
配料仲有紫洋蔥碎，食落鮮甜而且爽口，而且上面仲有一個檸檬俾你解膩。
拉麵替玉
$15
21 瀏覽
1 讚好
0 留言
辣肉
$15
18 瀏覽
1 讚好
0 留言
成碗食落都唔算膩，食完啲麵剩咗啲湯，唔想就咁飲所以加多個麵底，麵底都係新鮮整好所以熱辣辣，而且想試吓佢啲配料所以加咗辣肉醬，辣肉醬嘅份量都幾多，如果成碗落晒，對唔食得辣嘅人來講都算幾辣，而且如果落晒成碗，其實辣味會蓋過本身雞白湯嘅味道，建議只係落小小令到個雞湯昇華多一個層次就足夠。
-
🌟味道方面，我覺得依間嘅雞白湯拉麵同座銀、金鶴非常類似，因為佢哋都係將雞湯打成cream，但我覺得泓一雞湯味更濃，但唔會過鹹，飲晒都唔會覺得口渴，對比起湯底比較鹹嘅立體派同NOJO、雞油比較多嘅鳥華亭、唔係純雞湯有加醬油嘅麵屋武一，個人最鍾意都係依間紅磡嘅小店。
以下係我齋輪味道方面，香港嘅雞白湯排名:
1. 泓一拉麵
2. 鳥華亭
3. 金鶴/座銀
4. 麵屋武一
5. NOJO
6. 立體派
價錢方面，風格相近嘅座銀一碗$138、金鶴一碗$98，價錢都係比泓一貴，而風格唔同嘅立體派一碗$118同$138碗既NOJO都係偏貴，至於鳥華亭如果同泓一拉麵碗雞白湯拉麵一樣糖心蛋就要$91一碗，價錢接近，最後就係只有東京過江龍麵屋武一同泓一一樣買$88一碗拉麵，可見泓一價錢平民。
環境方面，泓一拉麵只有五至六個座位，而且都係得吧枱位，其實兩個人去食咁咪都可能已經麻煩，三個人就更加尷尬好難攞位，而且每輪食客都大概半個鐘先走，如果每次要排個半鐘我諗我未必食，所以我建議如果想食嘅就要準時或者係開舖時間提前五至10分鐘去到做第一輪客，咁就唔使等咁耐。
雖然店舖仲有提供醬油同鹽味湯底嘅拉麵，不過以我經驗，香港拉麵識整到兩個都出色嘅湯底好小，而醬油湯底同鹽味湯底比起雞白湯更加難整得更出色，至少喺香港冇食到令我非常滿意醬油湯底同鹽味湯底，所以對其他拉麵嘅湯底冇乜信心，不過聽講佢哋嘅醬油湯底係用昆布、醬油、小魚乾浸泡一晚之後，煮45分鐘之後再浸泡，最後再加上清湯再煮，食完呢個雞白湯，對依度嘅其他湯底都有少少信心，不過其實淨係雞白湯已經足夠令我再次光臨依間拉麵鋪。
沾麵都係人氣之選，當中海老湯底會用蝦頭、蝦膏同味噌煮成醬，再加雞湯造成湯底。
聽講攞住餐廳嘅收據，去隔離間漢堡包Nomad Burger消費，可以得到八折優惠，唔知而家仲有冇呢個優惠，我有食過隔離間漢堡包，質素都唔錯，係可以自己組合嘅漢堡包，呢兩間餐廳都係我紅磡最鍾意嘅餐廳。
-
👅味道: 9.5/10
🍴環境: 6.5/10
💰消費: $118 (服務費: NA)
張貼
