影片
更多
2021-06-20
419 瀏覽
望住個海食fish and chips......唔好以為得愉景灣、赤柱先有呢種咁chill嘅餐廳🤩自從地鐵開通後，大量西餐廳同酒吧進駐堅尼地城，再加上佢地最新翻新過嘅海濱走廊，宜家嘅堅尼地城絕對稱得上一個Chill字😌周不時見到有人飲住手工啤太陽，或者係海濱放住狗同朋友傾計.....呢間餐廳就係正海濱長廊隔離，成日都排哂長龍。🐶Fish & chips (Barramundi-Hong Kong) $140呢間餐廳嘅賣點之一就係會用本地新鮮嘅魚去整炸魚，Barramundi其實即係盲鰽🤣當然除左香港，佢地仲有其他國家嘅魚，但難得呢到就試本地魚啦！炸魚即叫即整好香脆！個皮完全唔會厚或者好粉，係一塊好完整薄薄嘅脆皮，幾乎係入口即溶，炸得好優秀。魚肉相當嫩滑，不過唔太食到魚肉鮮甜嘅味道，魚味較重，如果再去可能都係揀返經典啲嘅魚種。佢調味簡單，主要係食到撒係炸皮上嘅鹽🤣但我個份好似落得多得制，要鄧咁啲走先得。薯條同樣係新鮮炸起所以好脆口，不過佢淋得都幾快，食到一半已經唔脆。佢切得好粗，每啖都係薯仔肉，比起薯條感覺更似薯塊，我個人其實幾鍾意，因為食到薯仔嘅香甜而且口感軟糯，係好humble嘅味
望住個海食fish and chips......唔好以為得愉景灣、赤柱先有呢種咁chill嘅餐廳🤩自從地鐵開通後，大量西餐廳同酒吧進駐堅尼地城，再加上佢地最新翻新過嘅海濱走廊，宜家嘅堅尼地城絕對稱得上一個Chill字😌周不時見到有人飲住手工啤太陽，或者係海濱放住狗同朋友傾計.....呢間餐廳就係正海濱長廊隔離，成日都排哂長龍。
🐶Fish & chips (Barramundi-Hong Kong) $140
呢間餐廳嘅賣點之一就係會用本地新鮮嘅魚去整炸魚，Barramundi其實即係盲鰽🤣當然除左香港，佢地仲有其他國家嘅魚，但難得呢到就試本地魚啦！
炸魚即叫即整好香脆！個皮完全唔會厚或者好粉，係一塊好完整薄薄嘅脆皮，幾乎係入口即溶，炸得好優秀。魚肉相當嫩滑，不過唔太食到魚肉鮮甜嘅味道，魚味較重，如果再去可能都係揀返經典啲嘅魚種。佢調味簡單，主要係食到撒係炸皮上嘅鹽🤣但我個份好似落得多得制，要鄧咁啲走先得。
薯條同樣係新鮮炸起所以好脆口，不過佢淋得都幾快，食到一半已經唔脆。佢切得好粗，每啖都係薯仔肉，比起薯條感覺更似薯塊，我個人其實幾鍾意，因為食到薯仔嘅香甜而且口感軟糯，係好humble嘅味道，但我諗應該有唔少人唔多鍾意呢種「薯條」🙈
🐶Roasted chicken (half) $100
大約手掌咁大嘅烤雞同樣係呢到嘅招牌菜，雞皮烤得幾香，唔會痴住好多肥膏，肉質鮮嫩多汁，唔會有冰鮮雞嘅腥味，個人感覺同石塘咀24food station嘅烤雞都幾似，不過呢到大隻啲又好味啲啲😗
🐶Ginger soda $38
有驚喜嘅飲品！落左薄荷葉，飲入口好清新好爽，而且佢係用新鮮薑整，飲個整食到啖啖薑絲，超解膩，好岩食炸野飲✌🏻
如果呢到無位，其實可以外賣自取再行幾步去海濱個到坐低慢慢食（宜家好似仲有買一送一優惠😦）
張貼
