Bittersweet (已結業)

最愛就係支持小店，呢間小店就雖然小，裝修有小小工業風，得四五檯，但係五臟俱全，嘢食要幾邪惡有幾邪惡，今次食嘅都係減肥餐單，食完包保有幾 fit 要幾 fit，因為之後都食唔落 😂 #忌廉芝士蘑菇釀雞翼 $45/5，終於唔係比人搵笨嘅單骨雞翼，係實實在在嘅一隻雞翼再釀入呢個芝士加蘑菇，呢三樣加埋個個邪惡度係 3 倍，一咬落去果下是幸福的 🤤 飲品就叫左 #爆谷朱古力沙冰 $42，睇個樣都知好重口味，上面堆滿爆谷同 cream，再淋上朱古力醬，下面就係朱古力同碎冰一齊攪碎嘅冰沙，朱古力味都幾濃嘅，朱古力迷要飲，打卡亦一流 🍫 性價比較高又邪惡就有呢個 #極邪惡之四寶厚切三文治 $39，號稱係招牌，三文治烘哂底脆邊再夾花生醬、芝士、煙肉、滑蛋，又足料又邪惡，整體個味都幾夾，絕對好過食果件咩人氣唱歌果件治好多 🤡 最後甜品就完結整個旅程，#香蕉朱古力雪糕班戟 $48，有三塊班戟，之間夾左好多香蕉，上面放左球朱古力雪糕同 cream，再淋左好多朱古力醬，重口味就自然好味 😂❤️-Bittersweet粉嶺聯和墟和豐街和豐閣 4 號地下