杏甜品 (香檳大廈) (已結業)

喺尖沙咀行街行到攰，想坐低歇下腳，見到有甜品舖就啱哂，而佢就係近期新開嘅「杏甜品」☺️，之前已經Bookmark咗想食。由於係黃昏五六點時間，所以食甜品嘅人唔多🙈，咁就可以慢慢食，唔使驚阻住人哋啲位。餐廳環境幾舒服，裝修行小清新路線，讓人放鬆🌿。小店主打港式甜品🇭🇰，涵蓋傳統糖水以及新派款式，價錢稍貴，但考慮到店舖位置都能理解嘅。小店採用QR code落單，而客人亦要先付款，如果無網上支付工具，就要去櫃枱俾錢喇。杏仁茶燉蛋白($55)，佢係呢度嘅首席招牌🌟，質素果然無令人失望。甜品散發住好香嘅杏仁味，杏仁茶濃稠度適中，最重要係夠晒熱辣辣。杏仁茶下低係燉蛋白🥚，質感滑溜，不乏蛋香，整個甜品組合好搭調，而且係低糖，健康之選。龍眼爽冰($55)，依款甜品似曾熟悉👀，係多年無食、令人懷念嘅味道。爽冰真材實料，用上大量龍眼肉打成，所以入口並非普通刨冰般咁易溶🍧。佢配以椰果同水晶珠食，口感變得豐富。如果夏天食佢一定超正，夠晒消暑嘛。蜜瓜吸吸($42)，甜品以外，小店亦提供飲品，而佢哋全部均係同水果有關，我哋就揀選咗蜜瓜🍈。瓜種來自海南島玫瓏瓜，甜度高，但天然。飲品帶有椰香，吸啜到果肉同Q彈煙韌粒粒。