大家食 (福榮街) (已結業)

星期六1點鐘到，見譚仔太多人，呢邊重有位，就走來試試。我要左鹵牛肉飯，加杯熱奶茶($20)。老婆就要村村住家鍋麵(要手攪麵，豬潤，小辣)($23)。飯先上，牛輾切得薄薄的，不過味道唔錯，亦幾香，可惜飯唔熱，只係暖暖地。等左陣麵至到，好鬼熱，而且幾辣。做得招牌, 個手攪麵又真係唔差，幼幼的麵條滑得來又有點煙韌，幾岩口味，不過相比其他款式只係$15嘅手攪麵就貴啲喇。