影片
更多
2021-04-07
1139 瀏覽
星期五放工約咗朋友食晚飯聚下，今晚又係去觀塘搵食，但唔係去工廈，而係去東廣場。我一向對呢個商場嘅印象都係充滿各式各樣嘅小店🥡，但呢度最近竟然開咗一間與別不同嘅餐廳「Comfy by Chef's Stage」。餐廳嘅裝修格調行日系小清新風，採用木系傢俬簡約不失氣派，而且我仲好欣賞呢度環境寬敞，枱同枱之間有足夠空間，唔會過份逼夾👍。呢度用QR code落單，不過都有提供實體餐牌比客人睇。餐廳提供嘅菜式大部份均以健康食物Superfood為主🥦，當中更有唔少素食及純素素食款式。另外，飲品選擇亦係非常豐富，令人眼花撩亂。吉列新豬肉扒 Omni Schnitzel($148)，新豬肉係近年大熱霧起嘅食材，🐷但吉列嘅整法我都係第一次食。吉列新豬扒超大件，大過我塊面！吉列炸皮沾滿麵包糠，口感脆脆的但又唔覺熱氣或油膩。至於「豬扒」味道都OK，口感較為鬆散，我會覺得佢似「魚柳」多啲，特別係沾埋他他醬後，哈哈😄。伴菜有炸薯條同酸椰菜絲，份量亦係超多的，食哂真係飽到一個點。牛油果蟹肉炒蛋白酸種麵包 Avocado & Crab Scrambled Egg Whites Sourdough Toast ($
星期五放工約咗朋友食晚飯聚下，今晚又係去觀塘搵食，但唔係去工廈，而係去東廣場。我一向對呢個商場嘅印象都係充滿各式各樣嘅小店🥡，但呢度最近竟然開咗一間與別不同嘅餐廳「Comfy by Chef's Stage」。
餐廳嘅裝修格調行日系小清新風，採用木系傢俬簡約不失氣派，而且我仲好欣賞呢度環境寬敞，枱同枱之間有足夠空間，唔會過份逼夾👍。
呢度用QR code落單，不過都有提供實體餐牌比客人睇。餐廳提供嘅菜式大部份均以健康食物Superfood為主🥦，當中更有唔少素食及純素素食款式。另外，飲品選擇亦係非常豐富，令人眼花撩亂。
吉列新豬肉扒
$148
37 瀏覽
0 讚好
0 留言
吉列新豬肉扒 Omni Schnitzel($148)，新豬肉係近年大熱霧起嘅食材，🐷但吉列嘅整法我都係第一次食。吉列新豬扒超大件，大過我塊面！吉列炸皮沾滿麵包糠，口感脆脆的但又唔覺熱氣或油膩。至於「豬扒」味道都OK，口感較為鬆散，我會覺得佢似「魚柳」多啲，特別係沾埋他他醬後，哈哈😄。伴菜有炸薯條同酸椰菜絲，份量亦係超多的，食哂真係飽到一個點。
牛油果蟹肉炒蛋白酸種麵包
$108
34 瀏覽
0 讚好
0 留言
牛油果蟹肉炒蛋白酸種麵包 Avocado & Crab Scrambled Egg Whites Sourdough Toast ($108)，估唔到呢份多士都係巨無霸嚟🥖，一塊多士嘅大小同我手掌差唔多。麵包底經烤烘後燶邊微脆，但中間位置就保持煙韌，整體亦唔會過硬。多士上面先係炒蛋白🍳，其後就係一層厚厚嘅拆蟹肉絲，🦀蟹肉鮮甜，真材實料，淡淡嘅調味已經好食。最後再嚟一塊牛油果，成個組合好夾，無得輸。
煙雞胸羅勒青醬長通粉沙律 Smoked Chicken Pesto Penne Pasta Salad ($88)，綠色，全部都係綠色食物💚，望落都覺得健康。食材除咗有菜名所述嘅雞胸同長通粉外，仲有大量蔬菜，例如翠玉瓜、椰菜花、羽衣甘藍、粟米粒、車厘茄同洋蔥絲等，另外仲有芝士同合桃，未能一一盡錄。成個沙律份量好多，不過長通粉就變成茄喱啡，青醬Pesto撈得好均勻，味道好濃，但鍾唔鍾意就見人見智啦。
接骨木花奇異果菠蘿梳打
$42
20 瀏覽
0 讚好
0 留言
總括嚟講，餐廳各方面都令人滿意，絕對係觀塘區內難得嘅清泉，佢改變咗我嘅睇法，就係健康食物都可以係好滋味😋。店員服務到位，效率好高，餐廳內設有一個自助區域，客人可以自取餐具同調味料，亦可斟水飲，所以唔嗌飲品都無問題哦～。
張貼
