影片
更多
2013-07-22
791 瀏覽
記得喱間餐廳之前做過團購，不過當時未有時間試，咁啱舊同事聚會，就揀咗嚟喱間東歐風情嘅餐廳。一入到去就好似真係去咗東歐咁，由燈光，枱櫈，碟，刀叉，天花，牆身，吧枱，甚至音樂都別具特式，絕對可以睇得出老闆喺裝潢同氣氛方面下咗唔少苦工!我地早一日訂咗七點鐘，去到已經有位唔洗等，七點幾之後陸續開始有人，有唔少仲係情侶嚟，因為喱度嘅氣氛都幾好，環境唔太靜唔太嘈，燈光柔和同燭光配合，情侶談心確係一流。等齊人我地開始點菜。我地點咗個俄國雜錦沙律做頭盤，因為我地六個人嘅關係，每個人只可以分到一兩口，大家都係淺嚐一下。沙律以薯仔，肉粒，同香草為主，味道清新，作為開謂菜都唔錯。到主菜，我地6個人叫咗5個主菜大家一齊開心share~1. 烤豬手豬手一放上枱已經聞到好香，之後小女子就負責解剖佢。一切落去就感受到表面層皮奇脆無比，而且層脆皮係比較薄身，油份唔會太多，感覺一啲都唔膩。裏面嘅肉都算幾嫩口，只係則邊外露嘅地方可能燒得有啲乾身，感覺較為”鞋”口。不過豬手味道唔會好似德國豬手咁得股咸味，面頭有小小蒜蓉香，喱隻做法係令我地可以食到肉本身嘅鮮味。可惜舊骨頭比較大，實在有啲到喉唔到肺呢~2. 烤爐魚爐魚伴隨奶白
一入到去就好似真係去咗東歐咁，由燈光，枱櫈，碟，刀叉，天花，牆身，吧枱，甚至音樂都別具特式，絕對可以睇得出老闆喺裝潢同氣氛方面下咗唔少苦工!
我地早一日訂咗七點鐘，去到已經有位唔洗等，七點幾之後陸續開始有人，有唔少仲係情侶嚟，因為喱度嘅氣氛都幾好，環境唔太靜唔太嘈，燈光柔和同燭光配合，情侶談心確係一流。等齊人我地開始點菜。我地點咗個俄國雜錦沙律做頭盤，因為我地六個人嘅關係，每個人只可以分到一兩口，大家都係淺嚐一下。沙律以薯仔，肉粒，同香草為主，味道清新，作為開謂菜都唔錯。
到主菜，我地6個人叫咗5個主菜大家一齊開心share~1. 烤豬手
豬手一放上枱已經聞到好香，之後小女子就負責解剖佢。一切落去就感受到表面層皮奇脆無比，而且層脆皮係比較薄身，油份唔會太多，感覺一啲都唔膩。裏面嘅肉都算幾嫩口，只係則邊外露嘅地方可能燒得有啲乾身，感覺較為”鞋”口。不過豬手味道唔會好似德國豬手咁得股咸味，面頭有小小蒜蓉香，喱隻做法係令我地可以食到肉本身嘅鮮味。可惜舊骨頭比較大，實在有啲到喉唔到肺呢~2. 烤爐魚
爐魚伴隨奶白色嘅汁，不過小女子食唔出係咩嘅用料，個汁食落有啲羶味，唔知係咪有羊奶成份?! 爐魚肉質尚算幾嫩滑。3. 俄國肉腸
味道都OK，唔會太咸，紅色嘅醬汁都幾配合。4. 燒春雞
春雞有一隻，味道唔算太特別，不過又係幾欣賞紅色個汁。5. 菜肉卷
呢個估你唔到幾特別，菜包住肉碎，啲肉碎入口即溶，肉味幾好，唔錯。食到咁上下走淨我地一枱，怕防礙老闆收工，我地就叫埋單。點知老闆好熱情，幫我地喺店舖入面影相，又帶我地去個冰室入面參觀。老闆仲幫我地拎晒角度影相，又請我地飲東歐入購嘅伏特加。老闆嘅伏特加好好飲，一啲都唔會有搶喉嘅感覺，超級香淳！
未有機會試個炒雪糕，下次一定要試下~ 同事有計劃喺喱度包場慶祝，期待呢~~
張貼
