大頭蝦南風海鮮酒家

營業中

休息中

聖誕節同朋友去完迪士尼都已經有啲攰，所以就揸車睇吓附近有啲咩食，好彩俾我哋見到一間大排檔附近可以泊車😎今日想同大家介紹嘅係位於東涌嘅大頭蝦南風海鮮酒家 玩咗一日都好肚餓啦，所以我哋都叫咗四個小菜。第一個介紹嘅係我最愛嘅黃金鮮魷，可以講佢哋嘅炸物真係好出色。佢哋嘅炸粉唔會話好多，魷魚都好大條，炸到真係金黃色咁樣好香脆鬆軟，咬落去仲係好熱嘅😘❤️最鍾意食啲熱辣辣嘅炸物 第二個豉味虎皮尖椒，我本身係一個唔鍾意食三色椒唔鍾意食任何尖椒嘅人，但因為朋友鍾意食，所以就叫咗！ 我試左一舊，佢調味調得好好好入味，咬落去都好淋，幾好食😋 我哋仲叫咗一個沙拉骨同埋一個蒜香骨🤪🤪 蒜香骨真係超多蒜蓉，啱晒鍾意蒜蓉嘅我哋 唔知食完會唔會口臭 但真係好好食 佢啲蒜蓉炸得又係剛剛好 有濃濃嘅蒜香味 一啖蒜蓉一啖肉 再慢慢咬埋舊骨 好正🫡😋我覺得這間餐廳比較適合一家大細，同埋有揸車嘅大家 去完迪士尼，都可以揸嚟呢邊食飯😘👍🏻