影片
更多
2023-11-17
162 瀏覽
今日見天氣涼涼地就同埋男朋友去左東涌一間屹立左10年既酒家食野，位置都比較偏少少，近逸東邨，後尾先搵到條捷徑😂走果陣就比較方便，都好多巴士站可以出返去其他地方🙈依間酒家有室內同室外座位，佢地主打燒味、乳豬、特色小食小菜同埋烤魚雞煲❤️今次我地叫左燒味雙拼(燒鴨髀+切雞髀)、面醬肉碎唐生菜煲、酸菜味烤原條鉗魚、椒鹽魷魚、粟米魚肚羹同埋兩碗白飯😛燒味雙拼(燒鴨髀+切雞髀)份量岩岩好，仲要係有鴨髀同雞髀😍但全部都係啖啖肉，燒鴨皮好入味好juicy，油脂分布平均，就算攤凍左塊皮都係好脆同有口感，而雞肉都有驚喜，啲肉好滑，就算係雞胸肉都唔會覺得好鞋，反而都係滑，依個位係加分🥰面醬肉碎唐生菜煲唐生菜完全索哂面醬同肉碎既精華，超爽呀，又大塊，用黎撈飯一流🫶🏻酸菜味烤原條鉗魚條魚比想像中大條，不過記得要煮熟多少少先食。而個湯底唔會酸到遮哂啲魚肉味，都有好多魚肉同埋好入味👍🏻就算個湯我地用左黎撈飯都唔會話好口渴😛椒鹽魷魚依個好出色！我同男朋友認為可以入全港十大椒鹽魷魚好食之一😋因為出面多數細舊又無乜肉🥺啲粉同魷魚炸得岩岩好，唔會話齋食炸粉，而且都大大舊，有成個手掌咁大舊😱啖啖都係肉超滿足😌粟米魚肚羹比想像
依間酒家有室內同室外座位，佢地主打燒味、乳豬、特色小食小菜同埋烤魚雞煲❤️
今次我地叫左燒味雙拼(燒鴨髀+切雞髀)、面醬肉碎唐生菜煲、酸菜味烤原條鉗魚、椒鹽魷魚、粟米魚肚羹同埋兩碗白飯😛
燒味雙拼(燒鴨髀+切雞髀)
份量岩岩好，仲要係有鴨髀同雞髀😍但全部都係啖啖肉，燒鴨皮好入味好juicy，油脂分布平均，就算攤凍左塊皮都係好脆同有口感，而雞肉都有驚喜，啲肉好滑，就算係雞胸肉都唔會覺得好鞋，反而都係滑，依個位係加分🥰
面醬肉碎唐生菜煲
唐生菜完全索哂面醬同肉碎既精華，超爽呀，又大塊，用黎撈飯一流🫶🏻
酸菜味烤原條鉗魚
條魚比想像中大條，不過記得要煮熟多少少先食。而個湯底唔會酸到遮哂啲魚肉味，都有好多魚肉同埋好入味👍🏻就算個湯我地用左黎撈飯都唔會話好口渴😛
椒鹽魷魚
依個好出色！我同男朋友認為可以入全港十大椒鹽魷魚好食之一😋因為出面多數細舊又無乜肉🥺啲粉同魷魚炸得岩岩好，唔會話齋食炸粉，而且都大大舊，有成個手掌咁大舊😱啖啖都係肉超滿足😌
粟米魚肚羹
比想像中好大兜，四個人飲會更加好😂啲魚肚份量都好多架，好岩依個天氣飲，暖胃首選❤️
整體食到好飽好滿足🫶🏻好岩依家涼涼地既天氣去食🥰
依家消費滿$500或以上可以用信用卡/wechat pay付款架
下次去東涌都可以過黎試下❤️
大頭蝦南風海鮮酒家 (東涌)
📍東涌黃泥屋村2號地舖
張貼
