大頭蝦南風海鮮酒家

營業中

休息中

大頭蝦南風海鮮酒家呢間大牌檔有啲隱秘，位於東涌-逸東邨附近，唔係朋友介紹都認識唔到呢間咁出色既大牌檔。首先一去到門口就見到有好多燈飾同植物盤栽✨，仲有隻好精神既狗狗同你打招呼😆，然後店員就安排坐位比我地，有室內同室外都可以坐。 落單後好快就上左第一樣菜係燒味雙拼，我地叫左叉燒同燒肉味道唔錯，而且份量十足！到第二樣菜係雞煲，辣勁十足對於鐘意食辣既我地真係合適不過，加上d雞皮嫩肉滑, 真係食到舔舔脷🙋🏻‍♀️🙋🏻‍♀️第三樣菜係冬蔭功浸蜆，蜆肉鮮甜配埋冬蔭功酸酸辣辣既味道，絕配啊最後第四樣係肉碎唐生菜煲，同行友人同我地都係第一次見用煲仔既形式黎處理蔬菜，估唔到唐生菜煮到十分爽口，一D都唔會煮過頭最後覺得所有小菜都好適合送啤酒，同朋友聚會既話呢間大牌檔真係一個十分 合適既選擇😆。下次有機會再黎，一定會叫燒魚😍