羲和小館 (已改名) 查看

星期日去咗東涌outlet shopping順便喺「羲和小館」食埋晚飯，之前已經食過尖沙咀分店覺得味道不錯，我地今次冇食烤鴨試咗幾款特色小菜，呢度嘅食物質素同樣咁高質👍🏻乾鍋醬小炒皇推介必點菜式🉐大大碟食材非常豐富，有大蝦、魷魚、帶子、蝦乾、叉燒、銀魚仔、炸芋絲、花生、韭菜、本菇、黃椒同你紅椒，海鮮爽口新鮮，花生香脆芋絲炸到脆卜卜增添口感，蝦乾同銀魚仔令鮮味提升，各種彩椒令整碟餸菜生色不少，配合鮮味香辣XO醬去爆炒，夠晒火喉又惹味😋黑松露韭黃蝦仁煎蛋煎蛋香口鬆化軟滑，上面加上黑松露醬令香味大大提升，再配以彈牙嘅大蝦入口鮮味無比，黑松露獨特嘅香味衝擊味蕾，非常下飯的一道菜式拆骨肉燉白菜食咗兩道味道較為濃郁嘅餸菜，我地再嗌咗碟蔬菜均衡飲食😆豬肉拆絲放上高湯白菜上熬製，肉質一點都唔柴，反而能吸收湯底嘅鮮味，白菜燉得軟腍入味，再加上木耳同蒜頭令湯底更加清甜，連湯都比我飲晒😋鮑魚雞粒燜飯招牌菜式🉐將鮑魚粒同雞粒加入米飯中去燜煮，鮑魚粒腍身彈牙雞肉嫩滑，米飯較為香軟有光澤，口感軟熟黏口，每粒米飯上都充滿鮑魚汁咸鮮嘅味道，香濃入味，好食👍🏻📍羲和小館 (東涌)東涌達東路20號東薈城名店倉4樓417號