秋田火鍋海鮮丼浜燒專門店 (已結業)

朋友住灣仔, 上次響尖沙咀食過秋田濱燒超正，知道佢有多間分店，所以揀左灣仔Q R E Plaza食日本海鮮丼, 見到呢間餐廳有出名嘅蟹宴， 主要有毛蟹同松葉蟹最為出名，見門口都有一缸，蟹肉新鮮。見到餐牌，以一位位既定食為主，有湯，前菜，主食同甜品，有好多款選擇，低至$138一個定食套餐，以座落於灣仔區食日本菜，真係非常超值。先叫一個類似三色刺身飯既定食，有晶瑩剔透既三文魚籽，因滲過酒好鮮甜，完全唔腥，新鮮甜蝦鮮甜，松葉蟹腳，還有蟹肉碎及蟹膏撈飯，馬糞海膽，前菜有蒸蛋有秀珍菇，蒸蛋唔會太水狀，還有柚子醋新鮮粟米沙律，麵鼓湯。好夠份量。另外朋友叫左個松葉蟹為主嘅海鮮魚生飯，平時係用毛蟹，今日廚師見松葉蟹新鮮upgrade了松葉蟹，有好多魚生，包括有吞拿魚腩，三文魚籽，劍魚腩，帶子刺身角切。仲有一大湯匙既蟹膏，還有蟹既其他部位 多蟹肉，夠鮮甜，配了支蟹肉义，易取蟹肉。最後還送了甜喎，有豆腐味同曲奇味，豆腐味清甜，好滑。