森林咖啡 (已結業)

我依個港島人，行完Botanic Union ,去完林村許願樹，再去呢間隱世嘅Cafe，其實你搭巴士喺林村之後嘅應該係第二個站落車呢就到依家Cafe 㗎喇，都唔算話好唔方便。如果你有私家車更加唔需要擔心啦，因為係餐廳出面呢其實就有好多嘅泊車位嘅。依間餐廳呢就會有一個白色嘅帳篷蓋住，大概呢入面有20張枱度。飾品嘅種類呢唔係話好多，嗰日呢我哋三點幾嚟到，最想食嘅漢堡包就已經賣晒啦。我哋問侍應姐姐點解咁早賣晒嘅，我哋先得知原來佢哋嘅漢堡包呢全部都係自己手整㗎。所以大概每日嘅12點至1點就已經會賣晒。確實我哋呢而家餐廳呢主要係俾佢個裝修吸引住，就冇咩好留意呢大家對佢嘅食評。雖然冇漢堡包食，我哋呢今日就食咗個雞扒嘅沙律，再加炸魚柳。全部所有食物佢哋都係自己整架，唔會係喺出面買，全部都係自己手做嘅。個雞扒唔會好乾，你一入口就已經好Juicy。啲食物，全部係即叫即炸，絕對唔會有嗰啲萬年油嘅成份。再加埋佢個文青裝修，入面都有好多古董懷舊嘅相機啦同埋擺設，外面亦都有幾張白色嘅椅子比大家影相，大家慢慢食完野之後呢仲可以喺餐廳外面打卡，絕對一流！