榮記粉麵

營業中

休息中

我係自己就係一個超鍾意食雲吞既人,由其是係炸,不過雲吞麵都係非常鍾意嫁,鍾意係因為佢有蝦又有豬肉,兩樣唔同口感既樣,夾埋一齊,真係好正。而今次麥奀記既雲吞,就有D特別,好似唔係好食得出豬肉,不過都應該有少少,但真係超多超多蝦。 鍾意食雲吞就當然叫碗淨雲吞,佢份量十分之細,不過就有八隻細細粒既雲吞,雲吞既賣相十分之靚,個皮識反光咁,一睇就知好薄,透到入面D料既顏色出黎,真係睇到都想食,試下先,一啖就已經食到一粒,佢個皮真係正,佢D蝦真係好大隻,夠爽水,應該係新鮮蝦,因為雪既蝦得個爽字完全無咩味,又夠彈牙正,個湯就有少少鹼水既味道,不過食雲吞面就係想要依D野,夠哂鮮,D料應該唔錯,下次可以試埋個面,應該仲正,當然份量係唔夠,但價錢都中上,不過水準絕對岩依個價位。