名人坊高級粵菜 (已結業)

生日美食之旅第二站，晚餐：名人坊。訂位時已留了燕窩釀雞翼、豉椒炒肚尖和冬菜蒸馬友，另外再加個馬蹄啄肉餅。一坐下已送上蘿蔔糕，有陣陣蘿蔔香，雖然有辣椒醬，但醮它們的XO醬食更美味。首先出場係燕窩釀雞翼：熱辣辣，個皮好脆，一切開啲燕窩好似爆漿咁流晒出黎，犀利。豉椒炒肚尖：炒得好香好好味，肚尖好爽脆。冬菜蒸馬友：冬菜和豉油好鮮味，但馬友不夠肥，多啲魚油會好啲。馬蹄啄肉餅：好多馬碲好甜好Juicy。送既甜品係名人蛋紅棗茶和蛋白杏仁茶：紅棗茶好好飲好有紅棗味好香，原整一隻蛋只係有蛋白而無蛋黃的，正。價錢比我之前search的已加價，3個人埋單$12xx，係貴咗啲，但好偶然一次都無所謂啦，何況生日呢！富哥好nice，和各檯打招呼。另外見到有明星、地產界名人等等，果然係名人飯堂。