影片
更多
2024-09-25
256 瀏覽
車仔麵係香港特式食品之一，而我亦都係由細食到大，路經荃灣，見到這間幸福麵館，再上OpenRice 搜尋，見到評價不錯，於是決定在這開餐. 店內雖然沒有華麗嘅裝修，但感覺舒適，簡簡單單. 下單基本上係用二維碼自己落，但見到有老人家入來，店員都好主動話你睇啱食咩我再幫你落，這一點做得幾好 ，夠貼心，加分👍🏻.餐牌有個叫開心歡樂豪華二人套餐，百零蚊有兩碗五餸麵、一款小食、一款菜及兩杯飲品，感覺幾抵下，就叫佢.麵方面可叫淮山麵，平時車仔麵好少有淮山麵可以叫，即使有得叫好多時都要加錢，這𥚃就不用. 麵嘅質感好似拉麵店咁，可以選硬啲定軟啲，第一碗餸方面選了金沙魚腐、漢堡扒、魚肉春卷、潮州蝦肉餅及潮州墨魚餅，湯底有豬骨清湯、秘製魷魚汁（辣）、瑞士汁、咖喱汁（辣）、牛腩汁、沙嗲汁可以選，我選了豬骨清湯，因為見到牆上面貼住’新鮮豬骨湯底熬製8小時‘，所以試吓佢😆.第二碗選了車仔幼、冰糖蘿蔔、魚皮角、陳皮魚蛋、紫菜、魚肉春卷，湯底就選了秘製魷魚汁（辣）.車仔麵一上枱，真係有啲嚇親，好大碗呀😱，餸同麵嘅份量真係好多，魚肉春卷有成三條，陳皮魚蛋、紫菜、冰糖蘿蔔等份量也不少·如果唔係好大食嘅，兩個人食一碗都已經
店內雖然沒有華麗嘅裝修，但感覺舒適，簡簡單單. 下單基本上係用二維碼自己落，但見到有老人家入來，店員都好主動話你睇啱食咩我再幫你落，這一點做得幾好 ，夠貼心，加分👍🏻.
餐牌有個叫開心歡樂豪華二人套餐，百零蚊有兩碗五餸麵、一款小食、一款菜及兩杯飲品，感覺幾抵下，就叫佢.
麵方面可叫淮山麵，平時車仔麵好少有淮山麵可以叫，即使有得叫好多時都要加錢，這𥚃就不用. 麵嘅質感好似拉麵店咁，可以選硬啲定軟啲，第一碗餸方面選了金沙魚腐、漢堡扒、魚肉春卷、潮州蝦肉餅及潮州墨魚餅，湯底有豬骨清湯、秘製魷魚汁（辣）、瑞士汁、咖喱汁（辣）、牛腩汁、沙嗲汁可以選，我選了豬骨清湯，因為見到牆上面貼住’新鮮豬骨湯底熬製8小時‘，所以試吓佢😆.第二碗選了車仔幼、冰糖蘿蔔、魚皮角、陳皮魚蛋、紫菜、魚肉春卷，湯底就選了秘製魷魚汁（辣）.
車仔麵一上枱，真係有啲嚇親，好大碗呀😱，餸同麵嘅份量真係好多，魚肉春卷有成三條，陳皮魚蛋、紫菜、冰糖蘿蔔等份量也不少·如果唔係好大食嘅，兩個人食一碗都已經夠飽. 冰糖蘿蔔清甜無渣入味淋身，推介👍🏻.魚皮角有啲似燕餃，一口一嚿，皮薄、內裡塞滿餡. 潮州墨魚及蝦餅彈牙. 魚腐外香内滑，有咬口、帶濃郁魚味，’索‘埋啲湯食，不錯.豬骨湯底做到奶白色，唔會好濃好鹹.秘製魷魚汁都真係辣辣哋，喜歡食辣嘅朋友仔可以加辣菜脯一齊食，都真係幾惹味.小食方面，炸椒鹽燒賣，第一次咁樣食燒賣，外脆，𥚃面的魚蓉軟身，加埋椒鹽嘅香口惹味，幾夾幾特別.菜方面，腩汁油麥菜，平時在街叫炒菜都好似比較少有油麥菜可以選，菜新鮮脆嫩，正常發揮.
整體來講，不論餸、湯底、麵等都幾多選擇，而且啲款式都好新穎，有別於傳統車仔麵嘅範圍. 味道及服務方面都不錯，值得支持小店.
張貼
