影片
更多
2013-03-24
5080 瀏覽
由細到大都見住依間餐廳屹立係金鐘既一個角落一直都冇去過因為我唔係話太好鋸扒但見到佢好評多同埋甜品好吸引就去試了入面好黑暗，唔入去都唔知原來入面咁大係門口入去店員就好親切咁帶位一路行左半分鐘先到，經過一條長長既走廊好古色古香既ｆｅｅｌ，我覺得好似係一隻古老既郵輪入面走廊兩旁會有唔同既店員同你問好，有一種比人重視既氛圍，不禁一路行時都會屏息黎到一個近窗既位，好有自己空間一坐低就有一個店員黎自我介紹話係今晚負責我地依張枱的好專屬的一切都有水準，水也是ｆｕｊｉ，唔錯先送上暖暖的法包好新鮮焗好，有香滑的牛油雖然唔係我最鐘意既包，但暖暖新鮮既都唔會差叫左個肉眼扒ｓｅｔ，出名的蟹肉餅同大蝦沙律先有個龍蝦湯好香濃又夠燙口好靚既橙色，好濃既龍蝦精華味道岩岩好唔會太杰太咸配似少少既蜆肉同黑胡椒帶番起個味好好飲呢大蝦沙律４隻大大隻肉質勁彈牙既蝦晶瑩剔透，配埋微酸既ｃｏｃｋｔａｉｌ ｓａｕｃｅ當中又有蕃茄既碎蓉加強左口感新鮮既菜，係一個清新既前菜個人覺得菜既份量可以更多，沙律醬都可以多ｄ如果唔係菜會太乾重頭戲黎喇我地既１２安士ｍｅｄｉｕｍ ｒａｒｅ肉眼扒要一讚既係佢地係用超滾既碟去上牛扒同蟹肉餅層次係唔同的，
一直都冇去過因為我唔係話太好鋸扒
但見到佢好評多同埋甜品好吸引就去試了
入面好黑暗，唔入去都唔知原來入面咁大係門口入去店員就好親切咁帶位
一路行左半分鐘先到，經過一條長長既走廊
好古色古香既ｆｅｅｌ，我覺得好似係一隻古老既郵輪入面
走廊兩旁會有唔同既店員同你問好，
有一種比人重視既氛圍，不禁一路行時都會屏息
黎到一個近窗既位，好有自己空間一坐低就有一個店員黎自我介紹
話係今晚負責我地依張枱的
好專屬的
一切都有水準，水也是ｆｕｊｉ，唔錯
先送上暖暖的法包好新鮮焗好，有香滑的牛油
雖然唔係我最鐘意既包，但暖暖新鮮既都唔會差
叫左個肉眼扒ｓｅｔ，出名的蟹肉餅同大蝦沙律
先有個龍蝦湯好香濃又夠燙口
好靚既橙色，好濃既龍蝦精華
味道岩岩好唔會太杰太咸
配似少少既蜆肉同黑胡椒帶番起個味
好好飲呢
大蝦沙律４隻大大隻肉質勁彈牙既蝦
晶瑩剔透，配埋微酸既ｃｏｃｋｔａｉｌ ｓａｕｃｅ
當中又有蕃茄既碎蓉加強左口感
新鮮既菜，係一個清新既前菜
個人覺得菜既份量可以更多，沙律醬都可以多ｄ
如果唔係菜會太乾
重頭戲黎喇我地既１２安士ｍｅｄｉｕｍ ｒａｒｅ肉眼扒
要一讚既係佢地係用超滾既碟去上牛扒同蟹肉餅
層次係唔同的，咁樣會可以鎖住哂入面既肉汁
令到個味道發揮得最好
而且咁做真係令人未食就流口水
佢一路滋滋聲咁上枱已經今人好期待
仲要因為咁樣而令佢牛扒上面既牛油味好香好香咁湧出黎
一切一食，真係好耐冇試過咁正既衝擊
肉質真係好嫩好ｊｕｉｃｙ
好濃郁既牛味，入口即融真係得
但就好考功夫
依到做得到了，其他標榜牛扒專家的貴價餐廳都做唔到依個水準
的確令我眼前一亮，一口接一口咁享受
真係回味無窮
伴菜好多選擇，要左芝士西蘭花，又係好濃既芝士係面蟹肉餅又係出色
好咸香，唔受得既會覺得過咸
但如果一路飲ｓｐａｒｋｌｉｎｇ ｗｉｎｅ
一路食就會中和番岩岩好
好多既蟹肉，啖啖鮮味
仲有好多香料提升左個味
正
幾飽都要食甜點！我最愛既麵包布甸
黎到時真係呆左呆
好大個呀。。。成個碗咁巨形
講真覺得有ｄ浪費，６個人食都得
提議佢地個份量真係可以減少
同埋麵包布甸配埋雪糕會更好食
不過佢當然冇令我失望啦
好香既牛油同威士忌醬，帶有少少酒味
好濕潤好淋，而且好多提子乾
肉桂味再重ｄ會更好
整體黎講真係一個好有心既用餐地方
冇好華麗既裝潢但有種好穩重好保證既感覺
仲有專人照顧你無微不至
食物更係出色一絲不荀
張貼
