滾得棧 (已結業)

朋友之前介紹過呢間滾得棧，話價錢公道質素高，生意超好，而家滾得棧又開左新舖。 新舖地方大，七時多就全場爆滿，樓上還有雅座！服務超好，全部店員都很友善 ， 會怕我哋點得份量太多，而提醒我哋啲食物原來係好大份， 並沒有因為要賺多啲錢而埋沒良心！湯底要咗蕃茄豆腐同芫茜豬肚湯，湯底絕無味精，而且非常足料，當湯飲都仲得！配料方面，多得店員提醒四人以下部分配料可以雙拼！連蚌類，丸類呢啲都可以雙拼！仲要雙拼之後份量都不少呢！價錢不貴，份量大，大的牛頸脊雪花紋漂亮，顏色紅潤，$318 足有20多片好抵食下！雙拼貴妃蚌，珊瑚蚌都好新鮮，價錢$118 ，性價比很高呢！仲有炸魚皮又厚身又脆，幾好食！