倫敦大酒樓

營業中

休息中

旺角倫敦大酒樓真係有一份懷舊嘅味道，最特別嘅係佢哋仲保留咗點心車，點心車將一籠籠熱辣辣嘅點心送到你面前。今次我拎咗金錢肚、牛肉腸粉、咸水角同埋必叫既蝦餃同燒賣，每樣都做得非常之有水準。金錢肚相當入味，質感軟腍之餘唔會太淋，趙落口感啱啱好，非常滿意。腸粉係係我近一年食過最好味既腸粉，口感非常滑身，亦好想米味，牛肉餡嘅味道鮮美，加埋嗰陣茜味，真係好出色。至於燒賣同蝦餃就係點心嘅經典之作，蝦餃皮夠薄，蝦夠爽口彈牙，燒賣啲豬肉味道濃郁，每一啖都幾飽滿，真係唔會失望。整體嚟講，呢間酒樓嘅點心唔單止味道唔錯，最特別嘅係嗰份懷舊情懷。舊式推車喺現今社會已經唔多見，想重溫呢種經典飲茶體驗，旺角倫敦大酒樓絕對係一個好選擇。