影片
更多
2009-03-07
381 瀏覽
經常在此附近經過，也知道神廚館是附近最多好評的食店之一，但始終一次都未來過，也留意不到它的位置。前陣子偶然間坐車見到才知就在匯豐中心對面，於是決定找一天來試試。呢日終於來幫襯，原來呢度另外開了一間地方做生意，就在原來店子行過幾步的大廈內，端的是別有洞天。裡面的陳設簡陋，不過勝在有電視睇，可惜播的是Now TV，唔係咁啱口味！講番佢d食物，兩公婆叫了一碟「招牌煎蛋海苔窩燒墨魚餅飯」，一碟「美極香煎薄牛扒飯」，另加兩碗紫菜濃湯魚上骨湯。兩個湯先上，自己覺得個湯味道尚佳，但老婆就嫌佢好似有味精，唔係咁鍾意。其實個人覺得出街食嘢真係好難完全冇味精嘅，只要唔係咁重手就得啦！主角終於上場，兩公婆一齊share，個「招牌煎蛋海苔窩燒墨魚餅飯」個墨魚餅真係好得！即叫即煎的墨魚餅煎得夠香脆，咬落去d墨魚好彈牙，唔會死死實實，粟米粒同墨魚粒好夾，味道也非常好，難怪咁多人在食評中讚佢！隻煎得賣相好靚的蛋加埋d海苔，更加有錦上添花的作用。唯一要彈的是飯的份量的確偏少，如果係女仔食可能冇問題，仲可以夠飽，但係一個大男人就未必夠飽喇。（可以的話，寧願佢賣貴一兩蚊，d飯多d就好啦）另一招牌菜「美極香煎薄牛扒飯」個美
呢日終於來幫襯，原來呢度另外開了一間地方做生意，就在原來店子行過幾步的大廈內，端的是別有洞天。裡面的陳設簡陋，不過勝在有電視睇，可惜播的是Now TV，唔係咁啱口味！
講番佢d食物，兩公婆叫了一碟「招牌煎蛋海苔窩燒墨魚餅飯」，一碟「美極香煎薄牛扒飯」，另加兩碗紫菜濃湯魚上骨湯。
兩個湯先上，自己覺得個湯味道尚佳，但老婆就嫌佢好似有味精，唔係咁鍾意。其實個人覺得出街食嘢真係好難完全冇味精嘅，只要唔係咁重手就得啦！
主角終於上場，兩公婆一齊share，個「招牌煎蛋海苔窩燒墨魚餅飯」個墨魚餅真係好得！即叫即煎的墨魚餅煎得夠香脆，咬落去d墨魚好彈牙，唔會死死實實，粟米粒同墨魚粒好夾，味道也非常好，難怪咁多人在食評中讚佢！隻煎得賣相好靚的蛋加埋d海苔，更加有錦上添花的作用。唯一要彈的是飯的份量的確偏少，如果係女仔食可能冇問題，仲可以夠飽，但係一個大男人就未必夠飽喇。（可以的話，寧願佢賣貴一兩蚊，d飯多d就好啦）
另一招牌菜「美極香煎薄牛扒飯」個美極汁落了大量蒜頭同蔥，加上美極醬油，伴著已經切成小塊的牛扒一齊吃，味道都很不錯，非常惹味，牛扒也醃得好腍身。
呢度d服務都唔錯，d飯由老舖整好拿過來都有蓋蓋住，以免在街上拿去新舖時有灰塵接觸到，又有盆給客人洗餐具，都係值得加分的地方。
希望佢可以一路保持水準同埋有多d好菜式供應啦，咁就一d會耐唔耐來幫襯啦！（佢餐牌上的食品種類又真係少了些）
張貼
