成記飯店 (已結業)

之前去柴灣食飯多數都去泉記，鴻記，泉記食物就一般，不過朋友次次都多數揀呢間，可能鍾意果邊D啤酒妹妹夠嗲啦😆😆😆經另一朋友介紹，今次黎到吉勝街呢間成記飯店，係好典型既大排檔，可能去到時已經9點，比較容易有位，同3個朋友叫左4個餸，粟米班塊，麵醬油墨菜，梅菜蒸肉餅，豉椒牛拍葉！粟米斑塊食落感覺較軟身，外面食好多都會好硬身，相信老人家都會岩食。麵醬油墨菜好夠味，油墨菜亦好爽口，朋友仔很喜歡麵醬味道，還用了醬汁送飯😂😂😂豉椒牛拍葉亦好夠鑊氣，牛拍葉亦特別爽口，亦超大塊，有D似鮮魷😆😆😆梅菜蒸肉餅很有屋企食既風味同感覺，好似返左屋企食飯咁，我個人最鍾意呢味😝😝😝綜合朋友意見，各款餸菜都好味岩胃口，但最重要係好感受到老闆果種同食客打成一片既感覺，就好似街坊飯堂一樣，呢間成記亦成為左我呢期既飯堂，下次再介紹其他正野😋😋😋