成記飯店 (已結業)

一個人，所以只叫了兩樣食品；生炒骨和干炒牛河。生炒骨，用新鮮腩排炒和調味適中，但排骨炸的時間太長，所以食落有點硬而且汁太多。干牛河，牛肉好味剛好有咬口又不太淋，但明顯貪快用大火炒，河粉要先慢後快火炒才會夠鑊氣。食物味道是可以，但總感覺全部食物欠缺了大排檔的”鑊氣“，是致命傷。可能廚房貪快，鑊未熱油未滾就把食物全放進去炒吧，我估。

椒鹽骨現在已很少店採用排骨做 ，所以非常有特色， 老闆也親自每天道街市 買新鮮食材真難得， 海鮮又可自攜去 ，其他的食物 ，非常有大排檔風味， 值得一試呀…………………………

知道有大排檔，但沒有來過。 即慶跟朋友來， 佢偶然都有來，所以跟老板有點熟。冬天在路邊晚餐，凍凍地都幾有風味。 因感冒未清，眼看枱枱羊腩煲口水流唔食得。 清清地叫小菜。生菜豆腐鯪魚球煲， 个魚球好大粒， 豆腐新鮮。 朋友推薦， 薑蔥炆魚腩， 識食魚的人一定喜歡， 雖然⻣多，走過油的魚腩，保持魚肉鮮味，加上个汁。 喜歡食蔥可以叫多蔥。再加 荔芋滑雞煲， 應影个近境。這芋頭乾身，吸左雞味但唔溜。因其他地方煮都是油浸芋頭， 見到唔想食。食完跟老板傾下計，閒話家常，感覺到小時街坊食店的人情味。

風雨之夜，與同事共同進退，加班後更陪他到此附近買東西，同事客氣地請吃晚飯。來到小館，兩個人叫了兩碟炒粉，一起啤一啤。干炒牛河鑊氣十足，河粉條條滑溜，牛肉一些筋也找不到，又多又腍，當然更有不可或缺的爽口芽菜，一口啤酒一口炒河，一樂也。繼續精彩的干燒伊麵亦同樣很大碟，伊麵很是入味，爽彈有咬口，汁是有的，卻不會過多，因此麵仍是夠乾身的。配合著韮王及蘑菇等配料來炒，就是滋味的化身。美妙的時光，莫過於兩碟小炒加兩大支凍啤，「人生有個朋友的確好極」~

星期日一行五人再次光顧成記，撞岩原來羊腩煲係星期日開始有得食，爽啦，於是我地呢五個好羊既為食貓諗都唔諗就叫左個大既羊腩煲，仲另外Order左菜，豬膶同牛柏葉加埋係羊腩煲入面食，羊腩煲一到就聞到香噴噴，D汁亦好夠味，唔會好似出面有D舖頭咁溝左好多水令醬汁既味淡晒，我地仲用埋D汁黎撈飯😋😋😋而主角羊羊就炆得非常林身，完全唔硬，好正，蘿白又大件又入味，仲有好索汁既腐竹，我地個個都食到爽歪歪😝😝😝而家開始入秋，相信呢個羊腩煲必定成為我地幫襯成記既必叫菜式😝😝😝

三號風球底下，再次同朋友光顧這間街坊飯堂，可能打風落雨關係，食客唔算太多，但當我地坐低後，就逐漸見到唔少街坊熟客冒雨都來幫襯，可見呢度真係街坊飯堂！今次一行5人，老闆向我地介紹左一味椒鹽豬扒炒飯，份量都幾大，於是我地另外只叫多左三個餸，生炒骨，苦瓜炒排骨，係諗緊第三樣既時候，老闆賢哥就向我地推介一味---新鮮雞子，佢話本身有客人預訂左，但因為打風關係，客人無黎到食飯，於是向我地推介，呢味雞子非常新鮮，入口即溶，好少食到呢種口感既雞子，就算本身唔太好雞子既朋友，試過之後都愛上左，老闆就話如果下次想食，要預先order，因為唔係日日有！下次一定要再食😋😋😋另一推介就係椒鹽豬扒炒飯，份量超夠超足料，豬扒非常香口，炒飯亦非常夠鑊氣，朋友食得非常滿足😝😝😝老闆同我地講，天氣就轉涼，好快會有羊腩煲上市，暫定21/10就有得食，老闆仲話佢地既羊腩煲同出面既唔同D，叫我地一定要試試，羊腩又係我另一最愛，到時一定要黎試試😋😋😋

之前去柴灣食飯多數都去泉記，鴻記，泉記食物就一般，不過朋友次次都多數揀呢間，可能鍾意果邊D啤酒妹妹夠嗲啦😆😆😆經另一朋友介紹，今次黎到吉勝街呢間成記飯店，係好典型既大排檔，可能去到時已經9點，比較容易有位，同3個朋友叫左4個餸，粟米班塊，麵醬油墨菜，梅菜蒸肉餅，豉椒牛拍葉！粟米斑塊食落感覺較軟身，外面食好多都會好硬身，相信老人家都會岩食。麵醬油墨菜好夠味，油墨菜亦好爽口，朋友仔很喜歡麵醬味道，還用了醬汁送飯😂😂😂豉椒牛拍葉亦好夠鑊氣，牛拍葉亦特別爽口，亦超大塊，有D似鮮魷😆😆😆梅菜蒸肉餅很有屋企食既風味同感覺，好似返左屋企食飯咁，我個人最鍾意呢味😝😝😝綜合朋友意見，各款餸菜都好味岩胃口，但最重要係好感受到老闆果種同食客打成一片既感覺，就好似街坊飯堂一樣，呢間成記亦成為左我呢期既飯堂，下次再介紹其他正野😋😋😋

柴灣隱世出色小炒大牌檔 – 成記難得過海，老友知我倆是大牌檔迷，於是介紹柴灣吉勝街試這一區最好的大牌檔 – 成記飯店。星期日晚工業區已一片靜寂，唯獨這大牌檔門庭若市，8:00pm來到飯檯擺滿街，熱鬧非常﹔幸好後巷位置剛有人離開，否則便要等位了。老友介紹這牌檔由成哥及其子打理，見成哥事事親力親為，招呼執檯煲飯傳菜一絲不苟瓣瓣都有佢份，既有禮亦認真落力，就知佢對這兒出品必有要求。點了椒鹽鮮魷拼白飯魚炸漿香脆卻細薄如紙，鮮魷厚切有嚼勁，極冶味，必吃之選牛仔骨黑椒汁微辣香口﹔唔講唔知這兒的粟米斑塊是名物，粟米汁極香甜，可撈番兩碗白飯，魚柳炸得透，友人說用上鱈魚柳，怪不得肉質比出面的香軟，這兒有時更有鮮斑塊，問問老闆便知曉炒麵乾身大碟鑊氣足，配多個菜四個人吃已全飽，是完美晚餐。價錢唔貴，份量又大碟，難怪住在柴灣區附近的朋友都異口同聲推薦這店，值得支持呢！