竹園台式火鍋飯店

營業中

休息中

柴灣熟食中心係少有我會去嘅熟食中心，因為有冷氣，即使好麻甩咁樣食大排檔都唔怕食到身水新汗。口水鴨舌 $88口水雞就食得多口水鴨舌真係未試過，調味唔會太辣，過癮。粟米煎墨魚餅 $136食得出有一粒粒墨魚，真材實料唔會剩係得粉，食落仲幾彈牙。燒厚切牛仔骨$148好少見到牛仔骨係咁樣嘅size，多肉到以為自己叫錯咗牛柳。平時食牛仔骨最驚就係會鞋，呢個超嫩滑，肉質啱啱好。大盤花菜$72名副其實真係好大盤，又有京蔥同埋豬肉片一齊炒，少少辣辣地，好惹味。邪惡鵝油什撈粗 $98真係好邪惡，熄機時候暫時忘記膽固醇呢樣嘢。呢碗撈粗有齊鵝腸、鵝心同鵝肝，麵底又勁大個，抵食。