Springtime (已搬遷) 新店位置

住係呢頭咁耐一直冇發現有呢間好野 估唔到仲要咁近地鐵站 舖頭員工冇幾個，買野食同拎野食要自己做但ok嘅^ _ ^ 講翻野食，我地有5個人所以嗌左好幾個set. 黑松露飯都幾香，但略嫌有d淡。另外仲叫左個大蝦海鮮飽，都煮得幾香唔會太淋，味道剛剛好。最好食係burger叫左2款，一個係豬一個係大蘑菇嘅。豬嘅好juicy, 仲夾埋菠蘿食超正 而菇個款都幾出色，菇味好夠同配菜match得好好 值得一提佢嘅蕃茄湯都好正，飲得出係用新鮮蕃茄整，好有誠意。小食叫有魷魚圈亦好好食，皮唔會好厚，魷魚又好大舊唔會難咬 pizza就麻麻地，可以唔試。