楚撚記大排檔 (馬頭圍道) (已搬遷) 新店位置

武漢肺炎搞到而家出街食飯好麻煩， 所以我地而家多數都買外賣~ 今次響土瓜灣，外賣就緊係食楚撚記啦~ 之前食堂食， 都已經好好食，今次叫外賣， 真係想乜都叫晒返嚟食~我地落咗order, 隔咗陣先落去拎， 啱啱好！ 我地叫咗蜜椒薯仔牛柳粒， 金沙黃金白飯魚，飛天通菜煲，椒鹽九肚魚同埋香煎黑松露手打蓮藕墨魚餅， 墨魚餅爆好食， 我地仲order兩份.我地自己再煲湯， 煮飯， 整鴨， 炒個菜， 食到超級飽~ 佢真係樣樣都好好食， 個墨魚餅超好食，好有咬口， 又香~ 通菜夠鑊氣，有d辣， 但係又唔太辣， 好好食！ 黃金白飯魚又係， 超邪惡，條條都有滿滿嘅鹹蛋黃包住， 真係好好食~ 佢其實真係樣樣都掂， 我地食過好多唔同嘢， 全部都好正 唔怪得之佢咁多外賣啦， 我地去拎嗰陣，都見到好多外賣響度