螢壽司 (已結業)

想食日本野，但又怕左食放題，所以朋友介紹呢間螢壽司。行上去本身見到價錢貴貴地都唔太想食，不過又真係懶得再搵第二間，所以都係入左去食。坐低之後發現價錢又好似可接受，加上見到隔離檯個啲賣相同份量都係吸引，所以放心哂。先黎左刺身，最搶眼當然係超級厚切三文魚，入口肥美，之後仲有鮮甜的鯛魚。而最好味係軟綿甜蝦，食落甘甜，後尾再追加一份甜蝦。呢個燒香鱔好正，肉質彈牙爽口，入口完全唔會有泥味，燒完之後外脆內軟，魚肉仍然Juicy多汁，襯清酒一流！呢個幾得意，將蕃茄挖空左，然後放入滿瀉的肉醬，側邊有冷麵同豬肉片，賣相方面的確幾吸引。個肉醬好豐富，食到蕃茄的天然酸甜，加埋肉醬粒粒，口感提升左。個麵值得一讚，唔會糊成一Pat野，夾起依然條條分明，非常難得。最後點多個素翅烏冬，即時成個人暖笠笠，朋友大讚烏冬入口軟滑，湯汁稠度適中，作為ending非常okay。