影片
更多
2017-09-20
1735 瀏覽
由於今日屈小姐要覆診既關係，賴生同佢鎖定左呢間《甲天下正宗桂林米粉》，一黎佢近我地覆診既地點，二黎聽聞佢幾好食，仲寫到自己碗米線甲天下，我地當然要去會一會佢啦！根據網上既資料，間野係開11:00既，咁岩我地都係呢個時間睇完醫生，就第一時間過去目標位置，我地到達既時間係大約11:10分⋯但係店內漆黑一片，而老闆好似仲係度開緊檔，賴生就膽粗粗走埋去問:『老細，我地入得去坐未?』老細就話:『好快嫁喇，你轉多個圈番黎啦。』如是者，賴生帶左屈小姐去奧海城打個圈，順便睇下有咩食有咩行，行到11:30就番轉頭入去。同樣都係好昏暗，入到去就發現其實室內都有燈既，只係出面太光，唔同既係老闆已經唔見左(原來係去左買早餐食...)，我地就問下個店員入得未，佢就好歡迎我地叫我地隨便坐! 不過屈小姐就話間舖有小小UP味，賴生就同佢講其實係煮筍果隻味道，有D人接受唔到既!好彩屈小姐都OK!既然我地任揀位，梗係揀個舒服位啦，坐低之後，就睇下個餐牌有咩食!! 一拎起個餐牌就發現，咦，佢地用環保餐牌嫁喎!! 幾好，客人可以用水筆寫完食乜就交比店員入單，唔浪費紙，好好!! 賴生同屈小姐閉門商議左一輪之後，就決定好叫D咩食
根據網上既資料，間野係開11:00既，咁岩我地都係呢個時間睇完醫生，就第一時間過去目標位置，我地到達既時間係大約11:10分⋯
但係店內漆黑一片，而老闆好似仲係度開緊檔，賴生就膽粗粗走埋去問:『老細，我地入得去坐未?』老細就話:『好快嫁喇，你轉多個圈番黎啦。』如是者，賴生帶左屈小姐去奧海城打個圈，順便睇下有咩食有咩行，行到11:30就番轉頭入去。同樣都係好昏暗，入到去就發現其實室內都有燈既，只係出面太光，唔同既係老闆已經唔見左(原來係去左買早餐食...)，我地就問下個店員入得未，佢就好歡迎我地叫我地隨便坐! 不過屈小姐就話間舖有小小UP味，賴生就同佢講其實係煮筍果隻味道，有D人接受唔到既!好彩屈小姐都OK!
既然我地任揀位，梗係揀個舒服位啦，坐低之後，就睇下個餐牌有咩食!! 一拎起個餐牌就發現，咦，佢地用環保餐牌嫁喎!! 幾好，客人可以用水筆寫完食乜就交比店員入單，唔浪費紙，好好!! 賴生同屈小姐閉門商議左一輪之後，就決定好叫D咩食啦~~~!! 填好後，就將2張餐牌交比店員啦
醃青椒同醃蘿蔔
56 瀏覽
0 讚好
0 留言
落完單之後，賴生就四處張望，發現到係廚房前有個自助吧咁既角落，除左可以自助拎餐具同調味料之外，更加有2盆醃前菜比大家免費任食，店家都好貼心寫左張提示叫大家夾少少試岩味之再決定夾唔夾多D食，所以賴生就每樣夾左少少試一試先
醃青爪&醃蘿蔔
26 瀏覽
0 讚好
0 留言
1) 醃蘿蔔 : 3⭐️
一入口，除了酸，還是酸，乜味都食唔出，明顯係醋同糖既比例失左調，不過佢切到細細粒，一啖一口，而且免費.....合格啦!好彩店家有貼心提醒人試左味先，一陣夾多左....真係唔知點算!!
2) 醃青椒:3.5⭐️
比起蘿蔔，青椒較為優勝既地方係本身青椒帶辣味，唔會得個酸字，而且醃青椒好爽脆喎.....比多半星啦!! 最後賴生夾多左一小碟自己食，因為賴生嗜辣麻，屈小姐都陪賴生食多一粒~~ (對屈小姐黎講就嗆得濟啦)
食完前菜之後，等左幾分鐘，主角們就陸續送黎啦.....
柳州螺獅米線、原味魚湯五色米線、娃娃菜金菇、麻辣燈影牛肉
57 瀏覽
0 讚好
0 留言
屈小姐之選
原味魚湯五穀粉
$48
41 瀏覽
1 讚好
0 留言
超出色既一碗粉，除左健康同負擔唔大(??)之外，重點係麵條既口感同湯底既味道，超一流!!!
第一樣要讚既係配料: 有滑豆腐、鯇魚片、酸菜、蔥花、芫荽，最後係神來之筆既配料: 脆黃豆!!! 前面果堆配料搭魚湯係健康得黎，又吸魚湯味，可以話係鐵膽冇死既選擇，但脆黃豆真心令我地好驚喜，雖然浸左湯，但無影響佢既脆度，真係粒粒都卜卜脆，加上黃豆味好出，令成碗麵更好味口感更豐富，超正!
第二樣要讚既係湯底，我地2個飲左一啖，鮮味濃郁，不得了，最後成碗湯都比屈小姐同賴生清晒，真係太好味啦!!! 一啖湯一啖麵一啖脆黃豆...呢個配搭100分....難怪自封甲天下....堅係有料!!
第三樣要讚既係麵，用五穀粉!! 就係用呢五種材料整嫁喇!!雖然冇乜特別味既，但健康D麻!! 顏色又靚，碗粉真係又紫又黃又白嫁~~~賞心悅目!!最重要既係 : 隻五穀粉好煙韧彈牙!! 超好食既一隻麵，一定要食呀!!!
所以我地一致認為，呢碗麵值得拎爆5星，真心推薦大家一定要食!! (p.s. 鯇魚片有骨，食果陣要小心)
娃娃菜金菇
$12
26 瀏覽
1 讚好
0 留言
每樣要加$6蚊既配料，純粹係我倆鍾意食菜同菇，所以要加一加，要講的話，份量多DD會更好，同埋最好可以放埋落碗原味魚湯一齊上...會更好味 不過佢用左螺獅粉既湯，味道都唔錯
賴生之選
柳州螺獅粉+生菜
$50
38 瀏覽
0 讚好
0 留言
5) 柳州螺獅粉(加生菜): 4⭐️
號稱每日新鮮用20斤石螺整既湯粉，的確好鮮，但比起五穀粉既原味湯，呢個湯較欠層次，配料有脆腐竹、花生、酸辣筍、肉碎、蔥花、螺獅、酸豆角同黑木耳!!
就講一講特別既配料啦:
螺獅: 原來係細細粒既螺仔，大細係同肉碎一樣，呈黑色，無乜特別味道
肉碎: 偏肥，味道就係正常既醃豬肉味
酸辣筍: 岩賴生既~~不過辣味唔算太出，酸味就夠啦!
脆腐竹:浸左湯，一D都唔脆LU~~ (本身無浸湯既都唔脆)
不過碗粉都幾好食嫁，只係冇原味魚湯粉咁正者~~~!!
麻辣燈影牛肉
$12
31 瀏覽
1 讚好
0 留言
幾得意既一隻牛肉，同我地想像既唔同，我地諗住係一舊舊鮮牛肉咁! 但佢就似係肉乾既肉絲，一條條幾脆下，麻辣味強勁~略油左少少!!
椒鹽炒土豆
$22
25 瀏覽
0 讚好
0 留言
土豆切到一粒粒，一啖一粒，方便食，幾好! 首先炸脆完再落椒鹽炒，理論上應該幾脆口幾惹味。可惜現實係: 土豆炒一炒之後淋左，椒鹽味又欠奉，所以一般般啦!!
所以，結論係: 呢間野，食麵食一流，絕對可以LIST入十大好食米線之一!! 不過米線外既其他野有待改善，假如我地去開果頭，都應該會番去食一食既!!
#試新野
#好食既當然讓比妳食
#食咩都有妳陪住太好啦
#一齊食好西一齊中伏
#感覺太幸福太爽
張貼
