影片
更多
2020-10-21
1101 瀏覽
返工日日都會行經呢個舖位，同事成日話想試下，今日我哋終於相約去「棋子燒鵝」食午餐🥢。餐廳位置十分方便，地鐵站出口廿秒內行到嘅距離！之前喺尖沙咀試過棋哥燒鵝，今次就試佢嘅姐妹品牌，不過進內後發覺環境格局、餐牌同餐具等都差唔多，哈哈😄。我哋事不宜遲，即刻揀食乜，爭取時間。呢度上菜速度快，抵讚！棋子燒鵝片飯($90)，我相信大部份嚟幫襯嘅人都必定會嗌燒鵝，當然我哋亦唔例外。由於我哋都係好怕食骨嘅人，所以嗌鵝片就最適合不過🈴。飯量正常，男仔食都夠飽。燒鵝皮果然燒得唔錯，好香口同好脆😋，而且一咬開更有份油香，但又唔會過膩。同時，大家千奇唔好錯過枱面樽酸梅醬，沾埋佢食真係好鬼正。每塊鵝片都相當厚切，食落口感一流，肉嫩唔韌，無羶味👍。燒味雙併飯($63)，轉湯瀨粉。嗌湯粉，燒味就會主動分開上。其實我哋本身想嗌乳豬雙併，但可惜乳豬午市時段已經售罄😖。正常版燒味可以揀叉燒、腩仔、切雞、油雞、燻蹄、紅腸或者鹹蛋。我哋要咗棋子叉燒併脆皮燒腩仔🐷，兩者都係大啖肉，啱哂我哋，嘻嘻。燒味賣相吸引，份量亦都唔少。食燒味我最鍾意配瀨粉🍜，呢度嘅瀨粉唔會煮到碎濕濕，而且亦夠粗兼有咬口；但我略嫌湯底淡咗啲，同埋我唔記得走
返工日日都會行經呢個舖位，同事成日話想試下，今日我哋終於相約去「棋子燒鵝」食午餐🥢。餐廳位置十分方便，地鐵站出口廿秒內行到嘅距離！
之前喺尖沙咀試過棋哥燒鵝，今次就試佢嘅姐妹品牌，不過進內後發覺環境格局、餐牌同餐具等都差唔多，哈哈😄。我哋事不宜遲，即刻揀食乜，爭取時間。呢度上菜速度快，抵讚！
棋子燒鵝片飯
$90
24 瀏覽
0 讚好
0 留言
燒鵝皮果然燒得唔錯，好香口同好脆😋，而且一咬開更有份油香，但又唔會過膩。同時，大家千奇唔好錯過枱面樽酸梅醬，沾埋佢食真係好鬼正。每塊鵝片都相當厚切，食落口感一流，肉嫩唔韌，無羶味👍。
燒味雙併飯($63)，轉湯瀨粉。嗌湯粉，燒味就會主動分開上。其實我哋本身想嗌乳豬雙併，但可惜乳豬午市時段已經售罄😖。正常版燒味可以揀叉燒、腩仔、切雞、油雞、燻蹄、紅腸或者鹹蛋。
我哋要咗棋子叉燒併脆皮燒腩仔🐷，兩者都係大啖肉，啱哂我哋，嘻嘻。燒味賣相吸引，份量亦都唔少。
食燒味我最鍾意配瀨粉🍜，呢度嘅瀨粉唔會煮到碎濕濕，而且亦夠粗兼有咬口；但我略嫌湯底淡咗啲，同埋我唔記得走蔥😥！
麻辣手撕雞定食
$28
10 瀏覽
0 讚好
0 留言
老火靚湯
$8
5 瀏覽
1 讚好
0 留言
兩個主菜跟熱飲，凍飲要加$3，我哋要咗熱杏霜同熱阿華田。個人認為熱飲用有柄嘅杯裝會好啲🙈。
總括嚟講，呢餐燒味午餐算幾滿足，因為一次過食到四款燒味🤤。價錢中規中矩啦，喺深水埗區就一定稱唔上平，但我見都有唔少街坊幫襯，而且下午兩點半開始做下午茶餐可能抵啲！
張貼
