滾爺火鍋 (上海街)

❗️滾爺火鍋❗️今日同朋友去旺角廣華醫院探病，由於探病時間得下午6點至8點，所以打算係附近食咗晚飯先，之後再去探病。我地未夠5點就到旺角，呢個鐘數又想打邊爐，所以就去咗滾爺火鍋。-招牌椰子雞鍋（半隻雞）$248-手包白菜餃 $40-金沙魚丸$58-燒汁和牛粒$98-讚歧烏冬$28-娃娃菜$28-鯪魚滑釀豆卜$38-花甲6隻$78-新鮮第一刀 （新鮮豬肉片）$178湯底即場睇住店員，將椰皇同椰青水落鍋，仲有椰子蓉同新鮮馬蹄同雞一齊落鍋， 水滾熄火再焗5分鐘，之後食雞同飲湯。雞肉主要係焗熟所以好嫩滑，椰子雞湯清甜似蜜，晶瑩剔透，清涼解渴。飲完湯就加湯打邊爐。🏠：旺角上海街428號地舖