影片
更多
2011-05-22
6 瀏覽
一向都對泰屋印象良好,唔係話超好食,但都唔會太失望...今次唔係星期五六日食,咁就唔使分兩輪,唔使趕住交台我地6個女仔,叫左個"開心餐",其實都預左未必食得晒,但見個餐d野都係我地想食o既,我地仲要加多兩個薄餅,最後都叫食得晒...海蝦柚子沙津,少少辣,又酸酸地,都幾開胃,但係d蝦就好細隻,唔夠爽口,d柚子都幾juicy,ok的...椰汁雞湯,本來想飲冬陰公,但朋友唔食得辣,所以揀左椰汁雞,我都未試過o既,原來又幾好飲喎,幾香椰味,酸酸地,其實都近似冬陰公o既酸味,我都幾鍾意椰汁雞湯個味,仲帶d香芽味,不過d雞肉就好雪櫃味...星洲咖哩蟹,好大隻蟹,個咖哩唔辣,咖哩味唔夠香,蟹都算好肉,好大隻鉗,個咖哩用黎點薄餅食,撈飯都唔錯泰式兩點黃,其實就好似平時中底炒面咁,我就冇興趣食喇...炸左個面再撈d汁係面,d雞肉又係好雪櫃...no good...香茅蒜蓉爆中蝦,都炸到過左火咁,蝦就幾大隻,不過就咸左d,好熱氣,一入口已經整損左....麻麻地...特式節日拼盤,多數都係必食o既野,叫拼盤,咩都有得食一件,有春卷,有蝦餅魚餅,串燒雞牛豬,炸南瓜條,蝦餅魚餅就麻麻地,好細件唔夠彈口,串燒都唔
我地6個女仔,叫左個"開心餐",其實都預左未必食得晒,但見個餐d野都係我地想食o既,我地仲要加多兩個薄餅,最後都叫食得晒...
海蝦柚子沙津,少少辣,又酸酸地,都幾開胃,但係d蝦就好細隻,唔夠爽口,d柚子都幾juicy,ok的...椰汁雞湯,本來想飲冬陰公,但朋友唔食得辣,所以揀左椰汁雞,我都未試過o既,原來又幾好飲喎,幾香椰味,酸酸地,其實都近似冬陰公o既酸味,
我都幾鍾意椰汁雞湯個味,仲帶d香芽味,不過d雞肉就好雪櫃味...
星洲咖哩蟹,好大隻蟹,個咖哩唔辣,咖哩味唔夠香,蟹都算好肉,好大隻鉗,個咖哩用黎點薄餅食,撈飯都唔錯
泰式兩點黃,其實就好似平時中底炒面咁,我就冇興趣食喇...炸左個面再撈d汁係面,d雞肉又係好雪櫃...no good...
香茅蒜蓉爆中蝦,都炸到過左火咁,蝦就幾大隻,不過就咸左d,好熱氣,一入口已經整損左....麻麻地...特式節日拼盤,多數都係必食o既野,叫拼盤,咩都有得食一件,有春卷,有蝦餅魚餅,串燒雞牛豬,炸南瓜條,蝦餅魚餅就麻麻地,好細件唔夠彈口,串燒都唔錯,幾鍾意個南瓜條,我仲點咖哩食tim...
馬拉盞通菜,本來就芝士焗西蘭花,不過就賣晒,食通菜都好丫...不過咸左d...好炒得好老呀...
泰式香茅燒雞,最鍾意食雞...但lei隻雞就冇香茅味,亦都好細隻冇乜肉食...都係偏咸啦...酥油餅, 黎到原來咁細塊,仲要好硬崩崩咁,好油冇味,lei個最差...唔會再叫,因為佢有分印度同泰式,可能我地叫錯左啦...
蒜蓉薄餅, 就係因為叫左個酥油餅好失望,我地要點咖哩食就叫多個黎試,lei個好d喇,大塊d,不過唔夠蒜蓉味,但就鬆化d...
甜品, 都係椰汁西米糕同西瓜,好懶呀...冇用香蘭葉載住...個甜品好敷衍....
成個餐988蚊,其實就麻麻地...不過想食o既野都係個餐度,係個雙面黃唔得...下次再去都係散叫先..同埋我地帶左支酒去,開瓶費50蚊,但個經理就好串咁...我地話叫佢開,佢就話"要50蚊架喎"....嘩,好似以為我地唔肯比咁...其他waiter d service都係一般....張貼
