椰粉湯紅 (已結業)

相傳一個修行多年嘅和尚因為被呢道菜嘅香氣吸引到爬牆入屋要品嚐呢道葷菜🤫。今日黎呢間主打椰皇湯品嘅餐廳「椰粉湯紅」，有大大個牌推介特大椰皇佛跳牆($98)。當然材料未至於傳統咁多，但都有鮑魚、花膠、海參、素翅、冬菇等等，🥥同椰皇、豬肉一齊煲。咁足料🤩，唔落味精無添加都好重味，又健康，可以增強免疫力、美容養顏💆🏻‍♀️、降血壓！另外點左蜂蜜柚子雞，配彩虹飯（$48）。酥脆大件嘅雞件😋，外面有適量柚子蜜。彩虹飯🍚有紅米、粟米，仲有蕃茄同青瓜，夠曬健康。呢度裝修好新派，粉紅為主調，感覺年輕。唔飲湯都有好多飯餐揀，無加一，幾抵食架。