影片
更多
2022-11-27
385 瀏覽
Crown Super Deluxe 極上豪華鐵板燒餐廳🥩Black Sheep Restaurants 旗下嘅餐廳從來唔令我失望，無論食物質素定係服務都非常好👍🏻 餐廳裝修奢華，空間感十足，適合同家人朋友黎聚餐🥳 今次食佢地嘅鐵板燒係融合左美國同日本嘅文化，大部分食材都係外國空運到港✈️餐廳主打4種牛，分別有美國頂級牛柳、澳洲和牛肉眼、鹿兒島A5 和牛柳同埋西冷🥩晏晝可以食佢地嘅executive lunch set，價錢由$488-$888不等，可以食到咁好質素嘅牛肉，性價比相當高👍🏻/日本芥菜沙律/芥菜爽口，配埋自家製甘筍醬，酸酸甜甜非常開胃🥕/茶碗蒸/蒸蛋口感順滑，面頭舖滿枝豆，令到口感更加豐富👌🏻/北海道帶子(+$108)及虎蝦(+$118)/帶子超大粒🥰加埋用法國牛油同埋豉油整成嘅醬汁非常香口！虎蝦肉質彈牙🦐加少少檸檬汁、pepper 同埋鹽已經能夠帶出鮮味！/燒時令蔬菜/大部分蔬菜都係黎至日本，蔬菜用左昆布鹽調味，今次嘅蔬菜有杏鮑菇、菠菜、紫蘿蔔，可以點番相對應嘅醬汁黎食，杏鮑菇點柚子醋味道清新，菠菜配麻醬真係絕配，紫蘿蔔顏色好靚💜個人覺得蒜香醬油比較重口味，我都係鍾意點柚
今次食佢地嘅鐵板燒係融合左美國同日本嘅文化，大部分食材都係外國空運到港✈️餐廳主打4種牛，分別有美國頂級牛柳、澳洲和牛肉眼、鹿兒島A5 和牛柳同埋西冷🥩
晏晝可以食佢地嘅executive lunch set，價錢由$488-$888不等，可以食到咁好質素嘅牛肉，性價比相當高👍🏻
/日本芥菜沙律/
芥菜爽口，配埋自家製甘筍醬，酸酸甜甜非常開胃🥕
/茶碗蒸/
蒸蛋口感順滑，面頭舖滿枝豆，令到口感更加豐富👌🏻
/北海道帶子(+$108)及虎蝦(+$118)/
帶子超大粒🥰加埋用法國牛油同埋豉油整成嘅醬汁非常香口！虎蝦肉質彈牙🦐加少少檸檬汁、pepper 同埋鹽已經能夠帶出鮮味！
/燒時令蔬菜/
大部分蔬菜都係黎至日本，蔬菜用左昆布鹽調味，今次嘅蔬菜有杏鮑菇、菠菜、紫蘿蔔，可以點番相對應嘅醬汁黎食，杏鮑菇點柚子醋味道清新，菠菜配麻醬真係絕配，紫蘿蔔顏色好靚💜個人覺得蒜香醬油比較重口味，我都係鍾意點柚子醋黎食🥰
/鹿兒島A5 和牛柳/鹿兒島A5 和牛西冷/
主角終於出場🥩今次試左兩款鹿兒島A5和牛，雪花非常均勻，牛柳相對比較少脂肪，但係就肉質軟熟，個人超鐘意牛柳嘅口感同埋味道🥰 西冷就脂肪比較多，食落入口即溶，但係相對會比較油膩👌🏻 師傅用左brandy flambe 嘅方式去煮，著火一刻好睇之餘仲可以更突出牛扒嘅味道！食師傅建議將牛扒三食，第一啖可以就咁食牛肉，品嚐一下佢最原本嘅味道，第二啖就配埋山葵同埋海鹽，有解膩作用，令味道更加平衡👍🏻第三啖就連埋金黃色嘅蒜片一齊食，食落非常香口，香脆蒜片加埋肉質鮮嫩嘅牛扒口感相當豐富😋
/蒜香炒飯/
炒飯粒粒分明，加埋少少牛肉粒同埋蔥花味道可口！
/日式漬物/ 味噌湯/
自家製漬物酸酸地，非常解膩！最後飲番碗熱辣辣嘅味噌湯好滿足😚
/柚子雪葩/
食完咁豐富嘅一餐就可以去到餐廳嘅whisky lounge 飲番杯同埋食飯後甜品，餐廳收藏左60幾款whisky，愛酒之人不妨黎朝聖一下🥃 甜品就有自家製嘅柚子雪葩，味道酸酸甜甜，食完真係油膩感消失曬🤣
整體黎講，食物質素同埋服務真係非常好👍🏻師傅同埋staff 都會對每樣食材講解詳盡，完美帶出餐廳創辦人要帶比食客高質食材同埋優質服務嘅宗旨🥰
張貼
