申子居酒屋

營業中

休息中

🎎極具日本特色的居酒屋今日同老婆去咗旺角申子居酒屋食晚飯，居酒屋環境清雅舒適，食物質素同服務態度亦都非常好，o岩哂想吹水飲酒傾計既朋友仔或者想二人世界的情侶。🥩極上鹽燒牛舌芯牛舌切得厚薄適中，鹽燒得香口，外層微焦，內裡嫩滑，牛味濃郁，鹹香味道o岩o岩好，好爽口！🥚蓬松玉子蛋卷口感鬆軟不油膩，蛋入面配埋芝士同蔥花，食落好creamy同脆口！🍚日式醬油炒飯炒飯色澤金黃，米飯粒粒分明，非常咬口，醬油滲透每一啖飯，配料如青蔥、茶樹菇肉厚鮮嫩均勻分佈，非常好味！🦑手打墨魚棒墨魚棒彈牙有嚼勁，鮮味十足，點埋蛋汁一齊食，好夾！🍗手作免治雞肉雞肉質感嫩滑，帶有蔥香，肉汁豐富，又係一定要點蛋汁一齊食，口感一流！🍢關東煮湯底清甜，味道濃郁但不油膩，配料豐富，有腐皮福袋、蘿蔔、竹輪等，每款都煮得入味，好有日本特色。🍤🥦櫻花蝦炒野菜櫻花蝦香氣撲鼻，野菜爽脆，炒得火候剛好，保持了蔬菜的鮮甜，爽口又健康！