影片
更多
2022-10-23
1761 瀏覽
從來我都唔打食評，但今次真係嬲到震，唔希望再有其他人中伏! 絕對唔好去呢個集團食飯😡屋企人想食大閘蟹，見到陶源有大閘蟹同片皮鴨任食，就買左優惠券打算孝敬老人家。(話就話優惠券，但計埋茶芥加一，出面好多餐廳都做到呢個價!!)見條款寫明有6-8pm同7:30-9:30pm兩輪，就返屋企人放工時間，個幾星期前打去book 7:30pm。點知，7:30去到，全院滿座。有無訂位嘅都係企係度，態度好差嘅姐姐話無位比我地，要等到8點。結果有5-6枱客企哂係個reception，比左錢，走又走唔到。7:45pm突然「皇恩浩蕩」話開一樓比我地呢班人，但要攞片皮鴨之類嘅食物就自己行上行落啦你地!!咁好啦，我地係一樓坐定左，男丁們就上一層樓攞片皮鴨。排左十分鐘，留意返當時係未到八點架!! 有個女侍應就同我地講叫我地返一樓，一陣會派人落一樓片比我地。然後佢呢頭行開，果頭就有一個瘦瘦的男侍應行出黎話「唔好意思，我地無哂鴨」🤯🤯🤯 仲要話你地已經比左錢，係無就無架喇。果時已經一肚氣，等左半個鐘，佢地只係攞左兩碟青瓜同豆腐比我地。同佢地投訴左幾次，佢地係極度混亂咁求其上啲野比我地食，啲蟹又勁細隻，其他食物都好難食！
屋企人想食大閘蟹，見到陶源有大閘蟹同片皮鴨任食，就買左優惠券打算孝敬老人家。(話就話優惠券，但計埋茶芥加一，出面好多餐廳都做到呢個價!!)
見條款寫明有6-8pm同7:30-9:30pm兩輪，就返屋企人放工時間，個幾星期前打去book 7:30pm。
點知，7:30去到，全院滿座。有無訂位嘅都係企係度，態度好差嘅姐姐話無位比我地，要等到8點。結果有5-6枱客企哂係個reception，比左錢，走又走唔到。7:45pm突然「皇恩浩蕩」話開一樓比我地呢班人，但要攞片皮鴨之類嘅食物就自己行上行落啦你地!!
咁好啦，我地係一樓坐定左，男丁們就上一層樓攞片皮鴨。排左十分鐘，留意返當時係未到八點架!! 有個女侍應就同我地講叫我地返一樓，一陣會派人落一樓片比我地。然後佢呢頭行開，果頭就有一個瘦瘦的男侍應行出黎話「唔好意思，我地無哂鴨」🤯🤯🤯 仲要話你地已經比左錢，係無就無架喇。
果時已經一肚氣，等左半個鐘，佢地只係攞左兩碟青瓜同豆腐比我地。同佢地投訴左幾次，佢地係極度混亂咁求其上啲野比我地食，啲蟹又勁細隻，其他食物都好難食！媽咪話今個月生日，叫左個壽包，半個包都係硬到好似紙皮咁😤😤😤
有人可能話鬼叫你買優惠券，我想話隔離枱唔係買coupon都係受到一樣嘅待遇，叫左黃酒，蟹都食完酒都未到！
張貼