影片
更多
2012-06-04
39 瀏覽
10：30am, 我媽叫左我起身出大埔墟食早餐。我就去左兒時最常食的魚蛋腸粉店﹣郭仔記。講真，呢間野我真係“睇住佢大”，我小學既時候返學經過都會買早餐食。由以前一間好兜踎既小食店，變到宜家有卡位坐既餐廳。仍然不變既係佢門口那個“車仔擋”。我今次返黎香港（小妹去左外國讀書）一個星期食左3次都係呢間野。我黎食，唔係因為食佢既野。係食我對佢既感情，懷緬一下兒時既時光。老實講，佢既野唔算好好食，唔算好衛生，（佢D伙記係廚房冇戴口罩，對着食物打過噴嚏＝＝）但勝在佢D超級辣既魚蛋，令我諗返以前小學既味道。今次促成我第一次寫食評比佢，係有令我好火大既原因：是咁的，我叫左4條腸粉，5粉辣魚蛋，一杯豆䊢。食哂D腸粉、魚蛋之後，我開始飲豆䊢。眼見杯豆䊢面層有一粒粒結成白色既野，我不以為然食左一啖。發覺味道不對勁再飲左一啖試真D…點知都仲係覺得都味道勁怪…我同我媽講，我媽叫待應換過一杯，不過佢沒有換，仲係我面前針一啖出黎飲，以證佢D豆䊢冇問題，個待應仲大大聲話“冇呀，我飲都唔覺得有問題，係你有問題之嘛！” lol我心諗：你姐話我屈你姐～！？！當下我真係覺得好嬲，想同佢講清楚。我媽為左息事寧人，拿拿林比錢，勸
我就去左兒時最常食的魚蛋腸粉店﹣郭仔記。
講真，呢間野我真係“睇住佢大”，我小學既時候返學經過都會買早餐食。
由以前一間好兜踎既小食店，變到宜家有卡位坐既餐廳。仍然不變既係佢門口那個“車仔擋”。
我今次返黎香港（小妹去左外國讀書）一個星期食左3次都係呢間野。
我黎食，唔係因為食佢既野。係食我對佢既感情，懷緬一下兒時既時光。
老實講，佢既野唔算好好食，唔算好衛生，（佢D伙記係廚房冇戴口罩，對着食物打過噴嚏＝＝）
但勝在佢D超級辣既魚蛋，令我諗返以前小學既味道。
今次促成我第一次寫食評比佢，係有令我好火大既原因：
是咁的，我叫左4條腸粉，5粉辣魚蛋，一杯豆䊢。
食哂D腸粉、魚蛋之後，我開始飲豆䊢。
眼見杯豆䊢面層有一粒粒結成白色既野，我不以為然食左一啖。
發覺味道不對勁再飲左一啖試真D…點知都仲係覺得都味道勁怪…我同我媽講，我媽叫待應換過一杯，
不過佢沒有換，仲係我面前針一啖出黎飲，以證佢D豆䊢冇問題，
個待應仲大大聲話“冇呀，我飲都唔覺得有問題，係你有問題之嘛！” lol
我心諗：你姐話我屈你姐～！？！
當下我真係覺得好嬲，想同佢講清楚。
我媽為左息事寧人，拿拿林比錢，勸我走人。出左門口，我仲係覺得好嬲…
點解呢間野會咁，破壞哂我對佢既回憶！
以後都唔要再黎呢間野度食呀！！！！
張貼