巴蜀烤全魚 (已搬遷) 新店位置

因為見到開飯有好多好嘅食評，缺定試下，可惜無論係食物質訴定服務都極度失望。一去到叫野食，落咗單之後先見到原來可以加配料，咁就問個哥哥可唔可以加粟米，點知換嚟好晦氣咁話，「下次加野早講丫嘛」。其實我都係問下嗟，如果唔得你咪話唔得囉，唔需要咁晦氣！ 一睇到條抹臺布，而心知不妙，條布重污蹧過我屋企條地布，令我好懷疑佢嘅衛生。到啲食物嚟咗，我叫咗魚腩米先，但湯淡而無味，魚無魚味，極之失望，重差過自己屋企整個啲。到食到一半，個侍應走嚟話叫我地換臺，咁我地表示唔願意換臺，而同臺嘅另一對夫婦亦表示唔願意。但個侍應就原全唔理，繼續吟吟尋尋咁叫我地換臺。其實如果佢態度好啲，我都無所謂，但佢嘅態度令我覺得我無必要讓佢，我都係消費者嗟。而且我地四個人都表示咗唔想換臺，您點可以咁樣迫人。雖然食幾十蚊碗米線唔係話想有咩服務，但最起碼唔係晦晦氣氣，同係都要迫人換臺囉。真係未試過食到成肚氣，你話啲野好好食都話丫，最參係啲野有難食，啲服務又差先得人驚，絕對絕對唔會有下次！