元札幌拉麵 (宇晴軒商場) (已結業)

放工經過見到間拉麵店門口又叮噹又夾公仔機 懷舊引發作就入左去試下諗住佢專賣拉麵好似一蘭咁啦 但原來拉麵款都好多下 仲有定食同一堆小食基於小弟有選擇困難症 我就叫左佢新推出既魚介叉燒拉麵再加個燒牛油粟米帶子先出黎既係牛油帶子 用鐵板裝住炸炸聲 粟米同帶子都煎到好甘香而唔燶 同埋帶子好大粒下 正😋😋😋食到一半就出場啦拉麵 先講下咩係魚介啦 魚介味係日本既拉麵其實已經興左好耐了 魚介係指魚類同貝殼類 用左魚介粉既湯既味會好似落左貝殼既咪增湯 講返個麵 兩大塊既叉燒完全吸晒魚介粉既味 非常之夾 拉麵冇得揀硬度 感覺偏硬似扁意粉 最後仲有粒流心蛋 overall個拉麵係偏向傳統日式 唔似港式咁多配菜 一個人既話叫一個拉麵加一小菜份量岩岩好