千上日本料理 (已結業)

好耐無同阿媽兩個撐枱腳，難得老公約左班兄弟食飯，於是約阿媽食飯食好野。阿媽最鍾意食日本野，三文魚簡直係佢至愛。知道尖沙咀粵海酒店有間餐廳食日本野。見月頭，就同阿媽食好少少啦~淨係睇門面，都好有日本feel。地方大，坐得舒適。北海道蟹膏 $88Cocktail 杯內放上冰凍爽脆青瓜，再配上蟹味超濃郁嘅蟹膏同香口芝麻，味道簡直絕配，而且賣相好精緻。千上魚生沙律 $98嘩..嘩..嘩.. 沙律入面有幾款魚生。份量十分慷慨之餘，魚生仲超鮮味。再配埋脆卜卜蟹籽同天婦羅碎，口感好豐富。呢個價錢咁嘅份量，連阿媽都話抵。極力推介~三文魚刺身 $68赤鯥刺身 $190侍應細心講解先食三文魚刺身，因為赤鯥油分比較高。三文魚切得厚厚，十分肥美，阿媽大愛。赤鯥係稀有矜貴嘅高級魚，出面比較少食到。赤鯥肉質鮮嫩，入口油脂嘅甘美充斥住成個口腔，有入口即溶感覺，好正~三文魚籽壽司 $60鮮帶子壽司 $116三文魚籽大大粒，粒粒都晶瑩剔透。放入口輕輕咬開，卜。。卜。。卜。。鮮味出晒黎。帶子超厚肉，食落鮮甜，超有口感。宮崎煙黑豚 $168豚肉燒得香口，咬落有勁多肉汁。好食~燒日本有機豆腐 $58豆腐燒得好正，表面燒得香脆