萬丸燒肉 (已結業)

- 去完日本無耐，即刻想係香港回味一下日式烤肉放題既滋味。- 今次黎到萬丸燒肉，餐廳大部份都係日系木色座位，企理又闊落。- 呢間餐廳係日式烤肉放題餐廳，除左牛肉，仲有海鮮同好多小食可以隨便encore！- 今次我地就叫左特上燒肉放題套餐，大部份燒肉都有壽喜燒醬汁或原味選擇。- 而我最鍾意就係蔥花牛舌同特級安格斯牛小排。牛舌薄得黎又嫩滑，連埋蔥花燒，香味撲鼻。而牛小排就好有肉味，輕輕加上鹽醬同黑胡椒已經好香。- 另外，餐廳中提供三款醬俾客人食用。當中有鹽醬、燒汁同新鮮蕃茄醬汁。食到咁上下燒肉，想解油膩既話，我非常推薦餐廳特製鮮蕃茄油醋醬，清爽黎黎辣辣地，可以舒緩一下啲牛肉油份。- 除左任食牛肉，餐廳仲有各式各樣炸物、飯或麵食，款式非常多。今次我地有叫少許炸物同小食，薯條都比較有驚喜，因為佢係連埋薯皮一起炸，非常香口- 之後，我地仲叫左碗飯，呢度日本蛋無限供應，溫泉蛋撈飯真係一流，加埋牛肉可以整成牛丼！- 最後當然要提及甜品，餐廳提供Movenpick，俾客人有圓滿一餐，絕對性價比高。