辣媽川湘私房菜

營業中

休息中

以前係呢度常客 因為老婆好鐘意 跟住隔左段時間無黎 今日係附近就專登過黎食 點知中曬伏 完全唔係以前個樣野 首先講酸菜魚啦 酸菜魚保持到以前水準 魚夠滑 湯都夠香。跟住開始出事 涼菜花甲 普普通通 酸菜紅燒肉 超難食 紅燒肉求其煲兩下就撈埋酸菜一齊丟落個煲度 又多油又無汁 跟住火爆腰花 我真係想問你地鋪頭個大廚 佢究竟識唔識整 油多芡大 不如叫炆腰花啦 跟住個個生啫黑椒吊龍 無味又多油 根本就係燒煲油就丟d料頭落去 跟住就擺d牛肉落去就算 又食唔出黑椒味。 蕃薯葉一上台都發現同拍蒜咁大粒既發布膠，唔怪得7點入黎walk in可以即刻坐底 以前7點拎飛排隊都有排等 大家唔信歡迎過黎品嚐