萬丸鐵板燒

營業中

休息中

太古城aeon行完街，被好香既燒肉味吸引著，見到萬丸menu夠平，靚，正！牛肉款色都幾多，見咁吸引不妨一試。食完之後估唔到平民價錢既燒肉都非常好食！真係福音喜訊。大廚在我們面前即燒，感覺非常好！見到都非常衛生乾淨。紐西蘭牛柳，只係$88,雖然得6安士，但都非常滿足，肉味夠濃，唔多脂肪，啖啖肉好質感。真係餐廳既熱門必推！美國安格斯西冷，油份脂肪較多，味道嫩滑而且無筋，唔使汁醬食原來都好出色，亦係性價比之選。燒蠔都幾正，蠔肉燒完後都 keep到飽滿，再加上葱蒜更加惹味，而且都幾新鮮大隻。可以跟餐加炒飯，湯，沙律！炒飯都幾有鑊氣感，唔會太油膩，飯香滿滿再加洋葱紅椒更有層次清爽感覺。整體夠平價夠貼地得黎好食。