京香閣 (已結業)

酒店buffet、日式放題就食得多，但係中菜嘅buffet喺香港就好似唔常見。同家人聚餐，嚟到上環京香閣， 發現呢度除咗可以散叫，仲有京菜半自助餐食，每人連茶錢加一都係三百零蚊，但係就有龍蝦、花膠、片皮鴨同其他中式食品任食，款式非常非常多，絕對係性價比極高，孝敬雙親就最啱。呢度有龍蝦餐同虎蝦餐選擇， 虎蝦餐會平幾十蚊 ，我哋清一色揀咗龍蝦餐，但分別用咗唔同嘅醬汁去煮。乾燒汁有點似甜酸醬，酸酸甜甜。蒜蓉蒸味道好夠，啱晒喜歡鹹食同濃味嘅人。龍蝦非常大隻，位位都有半隻，肉質彈牙。蟲草花花膠燉雞湯味道鮮甜，真係有好多花膠，大大嚿，勁足料。呢度有成四五張枱放滿自助餐嘅食物，上海菜、京菜、四川等等乜都有，粗略估計都有30款選擇，另外仲有點菜只上面都有成20款點心和甜品，所以種類選擇真係非常多，只要試晒全部菜色，都肯定已經飽了。食完龍蝦同飲完湯，第一件事就梗係要食片皮鴨啦！我一個人都食咗四至五件，好正呀！呢度片皮鴨係切好晒自助形式俾你夾。佢哋嘅鴨肥瘦適中，又整得香，非常好味。餅皮又夠薄，加埋薑蔥、青瓜、蜜瓜和特製醬汁，真係好好味呀，令到我食唔停。最難得嘅係，食物種類雖然多，但係質素仍然非常好，味道都